Səudiyyə Ərəbistanı Xarici İşlər Nazirliyi Yəmən husilərinin Məkkə ətrafında həyata keçirdiyi pilotsuz uçuş aparatının (PUA) qarşısı alınaraq hücumunu pisləyib.
Avropa.info xəbər verir ki,ABŞ mərkəzli şirkətin sosial media platformasında nazirliyin hesabından edilən yazılı açıqlamada:
Açıqlamada bunun 27 iyul 2017-ci il tarixindəki ilk cəhddən sonra Məkkəni hədəfə alan ikinci cəhd olduğu və husilər tərəfindən atılan İHA-nın Səudiyyə Ərəbistanının hava sahəsinə girmədən əvvəl hava hücumundan müdafiə sistemləri tərəfindən aşkar edilərək məhv edildiyi bildirilib.
Bəyanatda beynəlxalq ictimaiyyətdən husilərin müqəddəs yerlərə, mülki və iqtisadi obyektlərə və ticarət gəmilərinə qarşı hücum və təhdidlərini pisləməyə çağırılıb və Səudiyyə Ərəbistanının öz təhlükəsizliyini təmin etmək üçün bütün lazımi tədbirləri görməyə qanuni haqqı olduğunu bir daha təsdiqlədiyi vurğulanıb.
Səudiyyə Ərəbistanının başçılıq etdiyi Ərəb Koalisiyasının sözçüsü briqada generalı Turki əl-Maliki bildirib ki, dünən saat 18.50 radələrində Səudiyyə Ərəbistanı Kral Hava Hücumundan Müdafiə Qüvvələri Məkkədə qadağan olunmuş hava sahəsinə daxil olmadan əvvəl husilər tərəfindən buraxılan PUA-nı təsbit edib, şəhərin cənubunda onu bloklayıb və məhv edib.
Husilərdən təkzib
Husilərin Hərbi Sözçüsü Yəhya Seri bu gün verdiyi açıqlamada Məkkəni hədəf aldıqlarına dair iddiaların həqiqəti əks etdirmədiyini iddia edib.
Səudiyyə Ərəbistanına qarşı hücumlarda yalnız neft obyektləri və hərbi bazaları hədəf aldıqlarını deyən Seri, müqəddəs yerlərdən tamamilə uzaq bir strategiya izlədiklərini müdafiə etdi.
