Bakıda yük və minik avtomobilləri toqquşub.
Avropa.info xəbər verir ki, Qaradağ rayonu Lökbatan qəsəbəsi ərazisində, Lökbatan-Xocasən avtomobil yolunun 2.5-ci kilometrliyində Rəhim Bəxtiyar oğlu Nuriyevin idarə etdiyi “Tofaş” markalı avtomobillə Umud Rafiq oğlu İbrahimovun idarə etdiyi “MAZ 543302-2120” markalı yük avtomobili toqquşub.
Nəticədə “Tofaş” markalı avtomobildə sərnişin, 1991-ci il təvəllüdlü Sadiq Azər oğlu Həsənov aldığı xəsarətlərdən hadisə yerində ölüb.
Qaradağ Rayon Polis İdarəsinin İstintaq şöbəsində fakta görə cinayət işi başlanılıb.
