Nepalda daşqınlar nəticəsində 39 ölkədən 590 əcnəbi itkin düşüb
Nepalda hələ də 4,2 minə yaxın insan itkin düşmüş hesab olunur. Xilasedicilər 10 mindən çox qurbanı təxliyə edib.
Avropa.info xəbər verir ki, bu barədə ölkənin Xarici İşlər Nazirliyi məlumat yayıb.
İtkin düşənlər arasında 39 ölkədən 590 xarici vətəndaş da var. Departamentdən bildiriblər ki, 323-dən çox başqa ölkə vətəndaşı xilas edilib.
Daşqın avqustun 26-da Nepalın şimalında baş verib. İlkin məlumatlara görə, buna səbəb Çinlə sərhəddə qar uçqunu olub. Qaya axını 70 km-dən çox məsafə qət edərək, məskunlaşan əraziləri dağıdıb və böyük əraziləri su basıb. Daha əvvəl yeni sürüşmə riskinin olduğu bildirilirdi.
Bundan əvvəl Rusiya səfirliyi təbii fəlakət zonasında ola biləcək 9 rusiyalı ilə əlaqənin kəsilməsi barədə məlumat vermişdi. Xilasetmə əməliyyatı davam edir.
