İsrail ordusunun Qəzza zolağında bir binaya həyata keçirdiyi hava hücumunda çoxlu fələstinlinin yaralandığı bildirilib.
Avropa.info bildirir ki, yerli mənbələrdən alınan məlumata görə, İsrail ordusuna məxsus pilotsuz uçuş aparatları Qəzza şəhərinin ən aktiv nöqtələrindən biri olan Ən-Nəsr küçəsində yerləşən binaya 3 ayrı hava zərbəsi endirib.
Hücum zamanı binaya böyük ziyan dəyərkən, mülki vətəndaşlar arasında da yaralananların olduğu bildirilir.
Digər tərəfdən Qəzza zolağının mərkəzi hissəsindəki Deyr əl-Belah şəhərinin Səlahəddin küçəsi yaxınlığında İsrail qüvvələrinin açdığı atəş nəticəsində Əhməd Əbu Mur adlı fələstinli gənc ağır yaralanıb.
Fələstinli gənc müdaxiləyə baxmayaraq həyatını itirib.
İsrail ordusu 10 oktyabr 2025-ci ildə atəşkəsin qüvvəyə minməsinə baxmayaraq, demək olar ki, hər gün Qəzza zolağına hücumlara davam edir.
Rəsmi məlumatlara görə, atəşkəsdən sonra İsrailin hücumları nəticəsində 1423 nəfər ölüb, 4983 nəfər yaralanıb.
İsrailin ABŞ-ın dəstəyi ilə 2023-cü ilin oktyabr ayından Qəzza zolağına həyata keçirdiyi hücumlarda ümumilikdə 74 min 22 fələstinli həyatını itirib, 175 min 98 nəfər yaralanıb.
