Bildirilib ki, soyqırım törədən İsrail ordusu Livanın cənubundakı Nabatiye əl-Fevka, Kantara və Talluse qəsəbələrinə hava zərbələri endirib.
Avropa.info xəbər verir ki, Livanın rəsmi xəbər agentliyi NNA-nın xəbərində İsrail ordusunun ölkənin cənubundakı Nabatiye əl-Fevka, Kantara və Talluse qəsəbələrini hava hücumları ilə hədəfə aldığı bildirilib.
Xəbərdə İsrail ordusunun Livanın cənubundakı Ayta əş-Şaab qəsəbəsində bir neçə saat əvvəl genişmiqyaslı partlayış törətdiyi bildirilib.
Hücumlarda ölən və ya yaralananların olub-olmaması ilə bağlı məlumat verilməyib.
Livan Səhiyyə Nazirliyinin verdiyi açıqlamaya görə, İsrailin 2 martdan bu yana Livana təşkil etdiyi hücumlarda 4 min 386 nəfər həyatını itirib, 12 min 407 nəfər isə yaralanıb.
İsrailin 8 oktyabr 2023-cü il tarixindən bu yana Livana hücumlarında ölənlərin ümumi sayı 8 min 953, yaralıların sayı isə 30 min 643-ə çatıb.
İsrailin Livandakı hücumları və atəşkəs prosesi
İsrail ordusu martın 2-də Livana intensiv hava zərbələri endirib və ölkənin cənubunda onlarla qəsəbəni işğal edib.
Livan hökuməti bu müddət ərzində ölkədə didərgin düşənlərin sayının 1 milyonu keçdiyini açıqlayıb.
Livan və İsrail arasında aprelin 17-də qüvvəyə minən atəşkəs daha sonra bir neçə dəfə uzadılıb.
Vaşinqtonda İsrail və Livan arasında birbaşa danışıqların 5-ci raundundan sonra iyunun 26-da Livan və İsrail arasında çərçivə sazişi imzalanıb.
