İsrail ordusu işğal altında olan Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinə (UNRWA) məxsus Kalendiya Peşə Tədris Mərkəzində hərbi varlığını gücləndirib.
Avropa.info xəbər verir ki, AA-nın bölgə müxbirinin verdiyi məlumata görə, işğal altındakı Şərqi Qüdsün şimalında yerləşən və dünən basqın edilən obyektdə İsrail əsgərlərinin fəaliyyəti davam edir.
İsrail qüvvələri ara-sıra yaxınlıqda toplaşan fələstinli gəncləri dağıtmaq üçün gözyaşardıcı qazdan istifadə edir.
Fələstin rəhbərliyinə bağlı Qüds Qubernatorluğu verdiyi açıqlamada, İsrail qüvvələrinin Qalandiya Təlim Mərkəzinin işğalını davam etdirdiyini, əsgərlərin gecə yarısı keşik çəkərək qüvvələrini gücləndirdiyini bildirib.
“İsrail işğalçı qüvvələri UNRWA-nın bütün əməkdaşlarını Kalendiya Təlim Mərkəzindən çıxarıb”. Bəyanatda həmçinin qeyd olunub ki, İsrail qüvvələri yenidən mərkəzə qayıtmalarının “qadağan” olduğunu şəxsi heyətə çatdırıb.
İsrail Kalendiya Təhsil Mərkəzini ələ keçirib
Avqustun 25-də İsrail qüvvələri işğal altındakı Şərqi Qüdsün şimalında, Ayrılıq Divarının Qərb Sahilində yerləşən Kalendiya Təhsil Mərkəzinə basqın edərək, elektrik və suyu kəsərək, fələstinli işçilərini çıxararaq ələ keçirib.
UNRWA-nın məlumatına görə, İsrail bu addımı ilə 15-19 yaşlı 350 tələbənin peşə təhsili mərkəzində təhsil almaq hüququnu əlindən alıb. Təl-Əviv rəhbərliyinin Agentliyə qarşı yeritdiyi siyasət işğal altındakı İordan çayının qərb sahilində son dərəcə pis sosial-iqtisadi vəziyyəti günü-gündən pisləşdirir.
İsrailin Agentliyə qarşı apardığı siyasət 1948-ci ildə və ondan sonra didərgin düşmüş milyonlarla fələstinli qaçqının geri qayıtmaq hüququnu aradan qaldırmaq cəhdi kimi qiymətləndirilir.
