Birləşmiş Ərəb Əmirlikləri (BƏƏ) Əbu-Dabi Milli Neft Şirkətinə (ADNOC) məxsus gəminin Hörmüz boğazında İranın raketləri ilə hücuma məruz qaldığını açıqlayıb.
Avropa.info xəbər verir ki, BƏƏ rəsmi agentliyi WAM-da yer alan xəbərdə ADNOC-a aid bir gəminin səhər saatlarında Hörmüz boğazında raket hücumuna məruz qaldığı bildirilib.
Xəbərdə hücumda can itkisinin olmadığı bildirilir.
Bu arada BƏƏ Xarici İşlər Nazirliyindən verilən yazılı açıqlamada “ADNOC şirkətinə məxsus gəminin İran tərəfindən hədəf alınması” şiddətlə pislənilib.
Açıqlamada hücumda can itkisi və yaralanma olmadığı, hücumun Birləşmiş Millətlər Təşkilatının Təhlükəsizlik Şurasının naviqasiya azadlığını vurğulayan və ticarət gəmilərini hədəfə almaqdan və beynəlxalq dəniz yollarını pozmaqdan imtina edən 2817 saylı qətnaməsinin açıq şəkildə pozulması olduğu bildirilib.
Bəyanatda bildirilib ki, kommersiya gəmilərinin hədəfə alınması və Hörmüz boğazından təzyiq və ya iqtisadi şantaj vasitəsi kimi istifadə edilməsi İran İnqilabı Keşikçiləri Korpusu tərəfindən həyata keçirilən “piratçılığın bir növüdür” və regionun və xalqının sabitliyinə, eləcə də qlobal enerji təhlükəsizliyinə birbaşa təhdiddir.
Bəyanatda İranın hücumlarına son qoyması və Hörmüz boğazının heç bir şərt olmadan keçidə açılması istənilib.
