Bakıda qadının külli miqdarda pulunu ələ keçirmiş şəxs barəsində cinayət işi açılıb.
Avropa.info-nun məlumatına görə, G.İsmayılovanın şikayəti əsasında ondan külli miqdarda pul alaraq dələduzluq etmiş Tural Seyidov barəsində Azərbaycan Respublikasının Cinayət Məcəlləsinin 178.3.2-ci, yəni, dələduzluq – külli miqdarda ziyan vurmaqla törədildikdə maddəsi ilə iş açılıb.
Artıq iş üzrə ibtidai istintaq başa çatıb və cinayət işinin materialları baxılması üçün Bakı Ağır Cinayətlər Məhkəməsinə göndərilib. İşə hakim Mirzə Xankişiyevin sədrliyi ilə baxılacaq.
