Britaniya Kolumbiyası ştatında 102 yanğınla mübarizə davam edərkən, yanğının sürəti söndürmə işlərini çətinləşdirir.
Kanada federal hökuməti Britaniya Kolumbiyası əyalətini təsir edən və bir nəfərin ölümünə və təxminən 22 min insanın evlərini tərk etməsinə səbəb olan sürətlə gedən meşə yanğınlarından sonra bölgəyə təcili yardım göstəriləcəyini açıqladı.
Avropa.info bildirir ki, British Columbia Yanğın Xidmətinin məlumatlarına görə, əyalətdə 102 meşə yanğını davam edir və onların təxminən yarısı “nəzarətdən kənar” kimi təsnif edilir. Bildirilib ki, bu yanğınlardan 78-i son bir həftə ərzində başlayıb.
Təxminən 12 min əhalisi olan Summerland şəhərinin tamamı və yaxınlıqdakı Peachland bölgəsindəki 8 min adam evakuasiya edildi. Təxminən 10 min adama hər an təxliyyə olunmağa hazır olmaları barədə xəbərdarlıq edilib.
Kanadanın fövqəladə halların idarə edilməsi naziri Eleanor Olszewski, əyalətin sığınacaq və yerləşdirmə dəstəyi tələbinin təsdiqləndiyini və dəstəyi ehtiyacı olanlara çatdırmaq üçün səylərə başlanıldığını açıqladı.
Yanğın gecə boyu genişlənməkdə davam edib.
Qeyd edilib ki, Cümə günü axşam saatlarında başlayan Keçəl silsiləsi yanğını sürətlə 100 kvadrat kilometrdən çox əraziyə yayılaraq Okanaqan gölünə doğru irəliləyib. Əyalətin baş naziri Devid Ebi bölgədə fövqəladə vəziyyət elan olunduğunu açıqlayıb.
Səlahiyyətlilər, bölgədə uzun müddət davam edən isti və quru havanın yanğın riskini artırdığını və ildırım çaxmasının vəziyyəti daha da gərginləşdirə biləcəyini proqnozlaşdırdı.
Kanada Kral Atlı Polisi 80 yaşlı qadının evakuasiya işləri zamanı öldüyünü açıqlayıb. Bildirilib ki, yanğının söndürülməsi işlərində gecəgörmə helikopterləri də daxil olmaqla 11 helikopter iştirak edib.
Mütəxəssislər altı həftədir bölgədə yağışın olmamasının meşələrin həddindən artıq qurumasına səbəb olduğunu, iqlim dəyişikliyi səbəbindən yanğınların gecələr də sönmədən yayılmağa davam etdiyini bildiriblər. Quru şəraitin payız aylarına qədər davam edə biləcəyi qiymətləndirilir.
ABŞ-ın Vaşinqton ştatının Spokane bölgəsində baş verən üç meşə yanğınını nəzarət altına almaq üçün səylərin davam etdiyi, yanğınlarda təxminən 920 tikilinin zədələndiyi və ya dağıldığı bildirilib.
Ən böyük yanğını qəsdən törətdiyi müəyyən edilən şəxsin saxlanıldığı bildirilib
