Çorumun İskilip rayonunda biri tərk edilmiş 3 evdə yanğın baş verib. Alovlar qrupların müdaxiləsi ilə nəzarət altına alınıb. Yanğın zamanı ölən və yaralanan olmasa da, 3 ev kül olub.
Avropa.info xəbər verir ki, Hacıhalil kəndində Əhməd Taşın evində naməlum səbəbdən yanğın baş verib . Daha sonra yanğın Şükrü Karamana məxsus evə keçib.
Xəbərdarlıq üzərinə kəndə xilasetmə, jandarma və sağlamlıq qrupları sövq edildi. Yanğın qısa müddətdə bu iki evin yanındakı istifadəsiz evə keçib.
İskilip Bələdiyyəsi qrupları yanğını söndürmək üçün işlərini davam etdirərkən, söndürmə işlərinə vətəndaşlar da dəstək verib.
Ölən və xəsarət alan olmayıb.
İskilip Baş məmuru Ramazan Polat və İskilip Bələdiyyə Başçısı İsmail Çizikçi də kəndə gedərək yanğınla bağlı məlumat alıblar.
Cizikçi yanğının nəzarət altına alındığını və söndürmə işlərinin davam etdiyini bildirib.
Kənddə böyük yanğın baş verdiyini bildirən Çizikçi, “Yanğını nəzarət altına aldıq. Şükürlər olsun ki, ölən və ya yaralanan yoxdur. Maddi ziyan var. Böyük bir yanğındır. İskilip Bələdiyyəsi yanğınsöndürmə briqadaları və Meşə Əməliyyat Müdirliyi qrupları işlərini davam etdirir”.
3 ev yararsız hala düşüb
Təxminən 2,5 saat davam edən işdən sonra yanğın söndürülüb.
Üç evi yararsız vəziyyətə salan yanğından sonra yanğınsöndürmə briqadalarının soyutma işləri apardığı bildirilib.
