Respublika Gənclər Kitabxanasının “Şanlı Zəfər tarixinin qəhrəmanları” layihəsi
Avropa.info xəbər verir ki, Cəfər Cabbarlı adına Respublika Gənclər Kitabxanası Azərbaycan xalqının qəhrəmanlıq səhifəsi Şanlı Zəfər tarixini, 44 günlük müharibənin qələbə sevincini xalqımıza yaşadan igid, mərd oğullarımızın, şəhid və qazilərimizin əziz xatirəsinə həsr edilən “Şanlı Zəfər tarixinin qəhrəmanları” layihəsini davam etdirir. Bu günə kimi layihə çərçivəsində 60-dan çox Vətən müharibəsində şəhidlik zirvəsinə ucalmış qəhrəmanlar haqqında məlumatlandırıcı videomateriallar hazırlanıb. Layihə çərçivəsində Canpolad Rzayev, Elşad Hüseynov, Albert Aqanurov, Yusif Mirzəyev, Hikmət Nəzərli kimi 20-dən çox Birinci Qarabağ müharibəsində həlak olmuş və “Azərbaycanın Milli Qəhrəmanı” adına layiq görülmüş igid oğulların həyat və döyüş yolu, onların haqqında xatirələrin yer aldığı materiallar hazırlanır.
Bundan əlavə kitabxananın rəsmi saytı vasitəsilə https://ryl.az/funds/melumat-b%C3%BClleteni “Qəhrəmanlar unudulmur” adlı rüblük məlumat bülletenleri təqdim edilir. Bu məlumat bülletenləri müharibə iştirakçılarına həsr edilir və özündə görkəmli şəxslərin Vətən, azadlıq, qəhrəmanlıq, vətənpərvərlik mövzusunda söylədikləri dəyərli fikirləri, Milli qəhrəmanlar haqda nəşr edilən kitabların, dövrü mətbuat nümunələrinin və elektron keçidlərin siyahılarını cəmləyir.
“Şanlı Zəfər tarixinin qəhrəmanları” layihəsi çərçivəsində hazırlanan materiallar kitabxananın rəsmi https://ryl.az/virtual/multimediya saytında yerləşdirilib
