UEFA FIFA prezidenti Canni İnfantinoya qarşı reaksiyalardan sonra ləğv edilən dünya çempionatı və digər turnirlərin kommersiya hüquqlarının özəl investorlara satılması planına görə cinayət işi açmağa hazırlaşır.
Avropa.info-nun əldə etdiyi sənədlərə görə, Avropa futbolunun rəhbər orqanı vəzifə səlahiyyətlərindən sui-istifadədə ittiham etdiyi İnfantinoya qarşı İsveçrədə açılacaq iddiada istifadə olunacaq dəlil və sənədlərin əldə edilməsini istəyib.
UEFA həmçinin FİFA-nın digər rəsmilərinə qarşı hüquqi tədbirlər görməyi nəzərdən keçirdiyini bildirib.
Bu yay Dünya Kubokundan sonra İnfantino FİFA-nın turnir hüquqlarının səhmlərini özəl investorlara satmaq məqsədi ilə “FIFA Forward Enterprise” adlı yeni şirkət yaratmaq təklifi ilə çıxış etdi.
Sözügedən plan futbol ictimaiyyətinin sərt reaksiyalarından sonra geri götürülüb.UEFA sübut üçün müraciətində bu təşəbbüsün İnfantino və onun ətrafındakı dar bir dairə üçün FİFA-nın ən qiymətli aktivlərində daimi pay əldə etmək və FİFA-nın, üzvlərinin və futbol ailəsinin zərərinə fayda əldə etmək üçün bir vasitə olduğunu bildirib.
Sənəddə həmçinin qeyd olunub ki, İnfantino planı tələsik təşkil olunmuş iclasda həyata keçirib, bu barədə əksər yüksək səviyyəli administrasiya rəsmiləri və işçiləri ilk dəfə xəbərdar olublar və görünməmiş çox milyardlıq layihəni təsdiqləmək üçün cəmi bir neçə saat vaxt verilib.UEFA və Avropa futbolunun aparıcı adları Çempionlar Liqasının püşkatma mərasimindən əvvəl Monakoda bir araya gələrək İnfantinonun vəziyyətini müzakirə ediblər.İclasdan sonra UEFA tərəfindən verilən açıqlamada bildirilib ki, iclasda iştirak edənlər yekdilliklə UEFA prezidenti və onun rəhbərliyinə institusional islahatları təmin etmək, prezidentin səlahiyyətlərini məhdudlaşdırmaq və FİFA-nın tək bir şəxs ətrafında deyil, yenidən qurum kimi idarə olunmasını təmin etmək üçün bütün lazımi institusional, siyasi və hüquqi vasitələrdən istifadə etmək səlahiyyəti veriblər.
BBC Sport məsələ ilə bağlı şərh almaq üçün İnfantino və FİFA rəsmiləri ilə əlaqə saxlayıb.UEFA-nın ərizəsində hansı ittihamlar var?UEFA satılması planlaşdırılan səhm dəyərinin müstəqil qurumlar tərəfindən təsdiqlənmədiyini və bazar dəyərindən xeyli aşağı təklif edildiyini iddia etdi və bu addımı İnfantino tərəfindən öz mənfəəti üçün təşviq edilən qeyri-qanuni bazar qiyməti kimi qiymətləndirdi.
Məhkəmə ərizəsində bildirilirdi ki, İnfantino tərəfindən açıqlanan şərtlərə əsasən, investorlar açıq və rəqabətli tender və ya müstəqil qiymətləndirmə eksperti tərəfindən sınaqdan keçirilmədən 4,2 milyard dollar müqabilində FİFA-nın kommersiya qanadında daimi maliyyə payı əldə edəcəklər.UEFA İsveçrədə açmağı planlaşdırdığı cinayət işində istifadə edilmək üçün Floridada yerləşən iki FİFA şirkəti FIFA Americas və FWC2026-ya aid sənədlərə daxil olmaq üçün ABŞ məhkəməsinə müraciət edib.Qurum 55 üzv federasiyanın bu satış planından zərər çəkə biləcəyini bildirərək, İnfantino ilə yanaşı digər FİFA rəsmilərinə qarşı da iddia açıla biləcəyini vurğulayıb.
Ərizədə UEFA və digər əlaqədar tərəflərin İsveçrədə İnfantino və ola bilsin ki, digər FİFA rəsmiləri və müşavirlərinə qarşı vəzifə səlahiyyətlərindən sui-istifadə ittihamı ilə cinayət işi açmağa hazırlaşdıqları bildirilirdi.Planın onlardan və digər maraqlı tərəflərdən gizli həyata keçirildiyini qeyd edən UEFA, 2026-cı il iyulun 28-də İnfantinonun FİFA Şurası, UEFA, digər konfederasiyalar və ya 211 üzv federasiya ilə məsləhətləşmədən Dünya Kubokları və Klublararası Dünya Çempionatının kommersiya hüquqlarını yeni yaradılmış FIFA Forward Enterprise-ə ötürmək planını açıq şəkildə açıqladığını bildirdi.
Açıqlamada, bu elanın bir ildən çox gizli ortaqlarla bağlı qapılar arxasında hazırlanmış layihənin gün işığına çıxması olduğu qiymətləndirilib.UEFA FİFA daxilində korrupsiyanın uzun bir tarixi olduğunu iddia edərək, dünya futbolunun rəhbər orqanının yalnız xarici siyasi təzyiq, ictimai nəzarət və beynəlxalq cinayət hüququ müdaxilələri nəticəsində geri çəkildiyini bildirib.İsveçrə qanunlarının qərargahı Sürixdə olan FİFA üçün bu iddiaya icazə verdiyini bildirən UEFA, hüquq məsləhətçilərinin də bu prosesi təsdiqlədiyini bildirdi.Digər tərəfdən UEFA-nın Nyu York məhkəməsinə müraciət edərək layihədə adı keçən Thrive Capital şirkəti, onun qurucusu Josh Kushner və ABŞ-da yerləşən JP Morgan investisiya bankından sənədlər tələb etdiyi qeyd edilib. Koloradoda edilən başqa bir müraciətdə isə layihənin kommersiya məsləhətçisi kimi göstərilən keçmiş Formula 1 meneceri Greg Maffei və onun firması Bann Ventures hədəfə alınıb.İnfantinonun planı niyə reaksiya doğurdu?İnfantino, Dünya Kuboku hüquqlarının özəl sektora verilməsini nəzərdə tutan layihəni dəstəklədikləri təqdirdə 211 üzv federasiyanın hər birinə 40 milyon dollar təklif etmişdi.Avqustun əvvəlində layihəni ləğv etməli olan isveçrəli menecer üçün istefaya çağırışlar davam edir. Reaksiyalara liderlik edən UEFA İnfantinoya inamını itirdiyini açıqladı və üzvlərinin FİFA turnirlərini boykot edə biləcəyini açıqladı.Mart ayında dördüncü müddətə namizəd olmağa hazırlaşan İnfantino; Concacaf və Asiya Futbol Konfederasiyasının dərc etdiyi birgə açıq məktubda UEFA dürüstlük qaydalarını pozmaqda ittiham edilib.Birləşmiş Krallıq daxilindəki futbol federasiyaları İnfantinoya dəstəyini geri götürdü; Cənubi Amerika və Afrika konfederasiyaları və bəzi fərdi federasiyalar FİFA prezidentini dəstəkləməyə davam edir.
