Bizim həssaslığımız vicdan, ədalət, insan həyatı və ləyaqəti əsas götürən xarici siyasətimizə xələl gətirmədən Türkiyəni münaqişələrdən, gərginliklərdən uzaq tutmaqdır. Bunun üçün biz diqqətli siyasət yürüdürük, hər addımımız diqqətlə hesablanır. Nə zülm qarşısında susmuruq, nə macəra arxasınca gedirik, nə də müxalifətin təxribatlarına inanırıq.

Avropa.info xəbər verir ki, bu sözləri Türkiyə Prezidenti Rəcəb Tayyib Ərdoğan çıxışı zamanı deyib.

“Biz 14 ildir ki, səylərimizi qonşu Suriyada və Rusiya-Ukrayna müharibəsinin ilk günündən göstərmişik. Hətta, biz bunu İsrailin İran, Yəmən və Livana hücumları zamanı, həmçinin Qəzza soyqırımına cavab olaraq İsraillə ticarət əlaqələrini kəsmək üçün etdik. Körfəzdəki qardaş ölkələrimizlə əlaqələrimizi inkişaf etdirdikcə də, biz bunu yenidən etdik. Liviyadan Qarabağa qədər, bizə lazım olan yerdə addımımızı atdıq.

Bu gün demək olar ki, hər kəs Türkiyənin məsələləri şərhetmə tərzini yüksək qiymətləndirir. Hətta opponentlərimiz də ölkəmizin balanslı, vicdanlı, prinsipial, qətiyyətli mövqeyindən yüksək təəssüratla danışırlar. Türkiyə sülh danışıqlarında axtarılan aktora çevrilir. Bu gün Türkiyə arxayındır, özünə inanır və hədəflərinə doğru möhkəm addımlarla inamla irəliləyir”, – deyə Ərdaoğan bildirib.