Prezident Rəcəb Tayyib Ərdoğan Avropa Siyasi Birliyi Zirvə toplantısında iştirak etmək üçün Albaniyaya gedəcək. 47 ölkə liderinin qatılacağı sammit çərçivəsində Ərdoğan ikitərəfli danışıqlar da aparacaq.
Avropa.info xəbər verir ki, Prezident Ərdoğan sıx diplomatik axınını davam etdirir. Ərdoğan Avropa liderləri ilə görüşmək üçün Albaniyada olacaq.
Avropa İttifaqını və ittifaqdan kənarda yerləşən yaxın coğrafiya ölkələrini bir araya gətirən altıncı Avropa Siyasi Birliyinin Zirvə Toplantısı Tiranada keçiriləcək.
Prezident Ərdoğan ikitərəfli görüşəcək
Sammitdə 47 ölkənin liderləri ilə yanaşı, Avropa Şurası, Avropa Komissiyası və Avropa Parlamentinin prezidentləri də iştirak edəcək.
Ərdoğanın təmasları zamanı qlobal və regional hadisələri, xüsusilə İstanbulda Rusiya-Ukrayna danışıqlarını dəyərləndirəcəyi gözlənilir. Ərdoğan İsrailin qətliamlarını və Qəzzada baş verən humanitar faciəni də gündəmə gətirəcək.
Prezident Ərdoğan sammit çərçivəsində ikitərəfli görüşlər də keçirəcək.
3 ayrı dəyirmi masa görüşü keçiriləcək
Albaniyada keçirilən sammitin əsas mövzusu “Yeni Dünyada Yeni Avropa: Birlik-Əməkdaşlıq-Birgə Fəaliyyət” kimi müəyyən edilib. Liderlər qitə ilə bağlı aktual məsələləri müzakirə edəcəklər. Bu çərçivədə üç ayrı dəyirmi masa toplantısı keçiriləcək.
Onlardan Avropanın təhlükəsizliyini, demokratiyanın müdafiəsini, rəqabət qabiliyyətini və müxtəlif təhdidlərə hazırlığı və cavab vermək imkanlarını qiymətləndirəcəkləri gözlənilir.
