Klassik Xalq Cəbhəsi Partiyası (KXCP) Avropa Şurası Parlament Assambleyasının (AŞPA) 24 iyun 2026-cı il tarixində Azərbaycan əleyhinə qəbul etdiyi qətnamə ilə bağlı etiraz bəyanatı qəbul edib.
Avropa.info-ya daxil olan bəyanatda deyilir:
“KXCP Avropa Şurası Parlament Assambleyasının 24 iyun 2026-cı il tarixli qətnaməsini qərəzli və Azərbaycana qarşı siyasi təzyiq vasitəsi kimi qiymətləndirir.
KXCP AŞPA üzvlərinə xatırladır ki, Avropa Şurasının yaradılmasının əsas məqsədi üzv dövlətlər arasında dialoqu, hüquqi əməkdaşlığı və ümumi standartların inkişafını təşviq etmək olub.
Lakin Azərbaycan öz ərazi bütövlüyünü bərpa etdikdən sonra AŞPA-nın qəbul etdiyi qərarlar daha çox ittihamedici xarakter daşımağa başlayıb. Bu isə qarşılıqlı etimadın möhkəmlənməsinə xidmət etmir və həmin qərarların anti-Azərbaycan dairələrinin siyasi qisas niyyəti ilə qəbul edildiyi qənaətini yaradır.
KXCP son dövrlərdə AŞPA sənədlərində Azərbaycanda yaşayan, Azərbaycan dövlətinin, dövlətçiliyinin və Azərbaycan xalqının əleyhinə fəaliyyət göstərmiş, dövlət əleyhinə cinayətlər törətmiş bəzi şəxslərin siyasi məhbus kimi təqdim edilməsini bu qurumun Azərbaycana qarşı qərəzli və qisasçı münasibətinin təzahürü kimi qiymətləndirir.
KXCP bəyan edir ki, AŞPA-nın son qətnaməsi bir daha göstərir ki, təşkilatın Azərbaycana münasibətində siyasi amillər hüquqi obyektivliyi üstələyir.
KXCP Mətbuat Xidməti
25 iyun 2026-cı il
Bakı şəhəri”
