Avropa.info xəbər verir ki, İsrail  ordusunun  sözçüsü İrandan raket hücumu edildiyini və gələn raketlərin qarşısını almaq üçün hava hücumundan müdafiə sistemlərinin işə salındığını bildirib.

İsrailin daxili cəbhə komandanlığı da İrandan hücumlar olacağı təqdirdə şimal və mərkəzi bölgələrə sığınmaq üçün təlimat göndərib.

Xəbərdarlıq edilib ki, insanlar bu ərazilərdə hərəkət etməkdən çəkinsinlər, toplaşmaqdan çəkinsinlər və göstərişlərə əməl etsinlər.

İsrail ordusu həyəcan siqnalı verildikdən sonra insanları sığınacaqlara daxil olmağa və növbəti əmr alınana qədər orada qalmağa çağırıb.

 

Hücum xəbərdarlığı İsrail boyu cib telefonlarına göndərilib.

Digər tərəfdən  İran  da  ballistik raket hücumlarını  bərpa etdiyini açıqlayıb .

İranın atdığı raketlərin bəziləri İsrailin müxtəlif bölgələrinə düşüb

Kanal 12 televiziyasının məlumatına görə, İranın atdığı raketlərdən dördü mərkəzi bölgədəki binaları hədəf alıb.

Raketin İsrailin mərkəzinə düşdüyü və güclü partlayışa səbəb olduğu anın görüntüləri sosial mediada paylaşılıb.

İsrail mediası tibbi qrupların ilkin məlumata görə, hücumlarda 12 nəfərin yaralandığını bildirib.

 

 

İsrail ordusunun daxili cəbhə komandanlığı mərkəzi və şimal bölgələrdəki sığınacaqları tərk etməyin mümkün olduğunu açıqlayıb.

Axtarış-xilasetmə qruplarının ölkə boyu raketlərin düşdüyü yerə doğru irəlilədiyi bildirilib.

İsrail ordusu “havadan müdafiə sistemləri keçilməz olmadığı” üçün insanları alınan xəbərdarlıqlara uyğun hərəkət etməyə çağırıb.

İran bazar günü gecə səhər saatlarında İsrailə raket hücumu təşkil etdiyini açıqlayıb. İsrail Daxili Cəbhə Komandanlığı ölkə daxilində sığınacaq tapılması ilə bağlı xəbərdarlıq edib.

 

 

İsrail İranın paytaxtı Tehranda mülki yaşayış məntəqəsini bombalayıb

İranın paytaxtı Tehranın şərqində yerləşən Narmek rayonunda mülki bina İsrail hərbçiləri tərəfindən vurulub.

Tehranın Narmek rayonunda hücuma məruz qalan binanın böyük ölçüdə dağıldığı məlum olub.

Hücum nəticəsində ölən və yaralananlar barədə hələlik məlumat verilməyib.

İran İsrailin hücumlarına hava hücumundan müdafiə sistemləri ilə cavab verir

İran hücumlarını bərpa edən İsrailə qarşı hava hücumundan müdafiə sistemləri ilə cavab verir.

İsrailin hücumları səbəbindən İranın paytaxtı Tehranda güclü partlayış səsləri eşidilib.

İranın hava hücumundan müdafiə sistemləri hədəflərə cavab verir.

Ölənlərin sayı 4-ə çatıb

İsrail yanğınsöndürmə idarəsinin sözçüsü tərəfindən edilən açıqlamada İrandan atılan raket hücumunun bir neçə nöqtəyə düşdüyü və bir binanın dağıldığı bildirilib.

Bildirilib ki, yanğını söndürmək üçün əraziyə yanğınsöndürmə qrupları, xilasetmə qrupları isə sıxışıb qalanları xilas etməyə gedib.

İsrail polisinin sözçüsü hədəfin vurulduğunu və orada yaralananların olduğunu bildirib. İsrail polisi ərazidəki şübhəli obyektlərə yaxınlaşmamaq barədə xəbərdarlıq edib.

İsrailin fövqəladə yardım xidməti, Davudun Qırmızı Ulduzu, raketlərin İsrailin şimalında, əsasən ərəblərin yaşadığı Hayfa şəhərinin şərqindəki Tamra bölgəsində iki mərtəbəli binaya düşdüyünü, bir qadının ağır yaralandığını, 13 nəfərin isə yaralandığını bildirib.

İrandan atılan raketlər səbəbindən İsrailin şimalında səmada görünən şüaların çoxlu görüntüləri paylaşılıb. Görüntülərdən birində raketin düşmə anı əks olunub.

İsrailin fövqəladə yardım xidməti, Davudun Qırmızı Ulduzu daha sonra ölənlərin sayının 4-ə çatdığını açıqlasa da, xəsarət alanlar barədə ətraflı məlumat verməyib.

Münaqişə İsrailin İrana şiddətli hücumları ilə başlayıb

İyunun 13-də İsrail İranın müxtəlif şəhərlərindəki nüvə obyektlərini, eləcə də ordunun yüksək komandanlığını hədəf alan irimiqyaslı hücumlara başlayıb.

 Hücumlarda İranın  Baş Qərargah rəisi, İnqilab Keşikçiləri Korpusunun Baş Komandanı, bəzi yüksək səviyyəli komandirlər və 9 nüvə alimi həlak olduğu halda, mülki itkilərin ümumi sayının 78 olduğu açıqlanıb.

İran ordusunun İsrailə ballistik raketlərlə cavab verməsi nəticəsində 3 nəfər ölüb, 10-dan çox bina zədələnib, 150-dən çox insan yaralanıb.

Başda Türkiyə olmaqla bir çox ölkə İsraili qınayıb.