İyunun 23-də 333 nömrəli məktəbin 9c sinif şagirdi Günal Məcidsoy və şəhid kapitan Tural Zeynalov adını daşıyan 8a sinif şagirdi Talıblı Vüsalın əsərlərindən ibarət Ulu Öndər Heydər Əliyevin anadan olmasının 103 illiyinə həsr olunmuş “Uğurlu Gələcək” adlı fərdi yaradıcılıq sərgisi təşkil olunub.
Avropa.info xəbər verir ki, sərgidə fəxri qonaq qismində Beynəlxalq Qalereyanın direktoru Elnurə İsgəndərova, ADRA-nın müəllimi Zinaida Mirzəzadə və AEİZM Brendinin rəhbəri Aygün Kamilqızı iştirak ediblər.
333 saylı məktəbin direktoru Rəqsanə Haqverdiyeva və müəllim kollektivi qonaqları yüksək səviyyədə qarşılayıblar və sərginin gənclərin həyatında əhəmiyyətindən danışıblar.
Tədbirdə çıxış edən məktəbin direktoru Rəqsanə Haqverdiyeva bildirib:
“Hörmətli valideynlər, əziz müəllimlər və dəyərli qonaqlar!
Bu gün məktəbimizin şagirdlərinin yaradıcılıq sərgisində bir araya gəlib. Bu sərgi sadəcə rəsm əsərlərinin nümayişi deyil, həm də gənc istedadların öz dünyalarını, duyğularını və düşüncələrini bizlərlə bölüşməsi üçün bir meydan olub.
Məktəb rəhbərliyi adından bütün şagirdlərimizi ürəkdən təbrik edib, onların yaradıcılıq yolunda daha böyük uğurlar qazanmasını arzulayıb. Əminliyimi ifadə edib ki, bu sərgi onların həyatında yeni bir başlanğıc olub və gələcəkdə daha böyük nailiyyətlərə imza atıblar.”
Daha sonra Rəqsanə Haqverdiyeva sözü Beynəlxalq Qalereyanın direktoru Elnurə İsgəndərovaya verib. Elnurə İsgəndərova çıxışında bildirib ki, 333 nömrəli məktəbin şagirdlərinin uğurlu addımlarında məktəbin direktoru Rəqsanə Haqverdiyeva, direktor müavini Mətanət Hüseynova, 8a sinfinin rəhbəri Günay Ağayeva və digər müəllim kollektivinin komanda şəklində uğurlu fəaliyyətinin nəticəsi böyük rol oynayıb və bugünkü sərgi də bunun bariz nümunəsi olub.
Elnurə İsgəndərova Günal Məcidsoyun və Vüsal Talıblının əsərlərində Ümumilli Lider Heydər Əliyevin əziz xatirəsinə həsr olunmuş silsilə portretlərin, eləcə də vətənpərvərlik ruhunda müxtəlif janrlarda hazırlanmış əsərlərin təqdirəlayiq olduğunu bildirib, gənc rəssamların sərgilərinin davamlı olmasını arzulayıb.
O, çıxışında vurğulayıb ki, “Bu gün burada gördüyümüz əsərlər bizə göstərib ki, gələcəyin rəssamları, dizaynerləri və yaradıcı insanları yetişib. Onların hər bir fırça vuruşunda ümid, hər bir rəngində isə gələcəyə inam olub.”
Sərgidə iştirak edən Günal Məcidsoyun valideynləri – atası, Qarabağ qazisi Kərəm Məcidov və anası Sevinc Məcidova, eləcə də Talıblı Vüsalın valideynləri – atası Adil Talıbov və anası Pərvin Talıbova bu gün övladlarının uğurlarına şahidlik edib və böyük qürur hissi keçiriblər. Qeyd olunub ki, bu qürur təkcə onların deyil, bütün xalqımızın qüruru olub. Çünki gənclərimizin sənətə olan marağı, yaradıcılıq bacarığı və milli dəyərlərə bağlılığı gələcəyimizin parlaq göstəricisi olub.
Tədbirin sonunda gənc rəssamların şərəfinə tort kəsilib, çay süfrəsi təşkil olunub. Hər iki gənc rəssama diplom təqdim olunub, tədbirin sonunda xatirə fotoları çəkilib.
Aygün Oqtay
