Fransanın qərbindəki Landes əyalətində günlərdir davam edən və 1700 hektar ərazini məhv edən yanğının nəzarət altına alındığı bildirilib.
Avropa.info-nun məlumatına görə Landes Qubernatorluğu tərəfindən ABŞ mərkəzli X şirkətinin sosial media platformasından verilən açıqlamada əyalətin Lugnon kəndində avqustun 13-də başlayan yanğının nəzarət altına alındığı bildirilib.
Açıqlamada qeyd olunub ki, yanğınla əlaqədar təxliyə edilən ərazi sakinlərindən 250 nəfəri öz evlərinə qayıda bilər.
Təxminən 4 gün davam edən yanğında 1700 hektar ərazi yanaraq külə dönüb.
Tarixinin ən böyük yanğın mövsümünü yaşayan Fransada bu il 117 min hektardan çox ərazi alova təslim olub, 4 yanğınsöndürən həyatını itirib.
