Rusiyada vəba elmi-tədqiqat institutunda işləyən şəxsin şübhəli ölümü laboratoriya qəzası və epidemiya ilə bağlı narahatlıqları artırib.
Avropa.info xəbər verir ki, Rusiya İnsan Sağlamlığı və İstehlakçı Hüquqlarını Müdafiə Xidməti iddiaları təkzib edərkən, ABŞ Dövlət Departamentinin rəsmisi prosesi yaxından izlədiklərini ifadə edərək, “Rusiya səlahiyyətlilərini doğru məlumatları ictimaiyyətlə tez və açıq şəkildə paylaşmağa çağırırıq”
Oktyabrın 2-nə keçən gecə Rusiyanın Sibir bölgəsindəki İrkutsk Taun Əleyhinə İnstitutunda laborant işləyən qadının şübhəli infeksiya nəticəsində ölməsi laboratoriya qəzası və epidemiya ilə bağlı narahatlıqları artırıb.
Rusiya mətbuatında yer alan xəbərə görə; 28 yaşlı institut əməkdaşı Dərya Şipilovaya mənşəyi məlum olmayan pnevmoniya diaqnozu qoyularkən, tədqiqatçının taun xəstəliyinə səbəb olan “Yersinia pestis” bakteriyası olan sınıq sınaq borusu ilə təmasda olduğu iddia edilib. Bəzi mətbuat orqanları gənc laborantın ezamiyyətdən qayıtdıqdan sonra xəstələndiyini iddia edib. Bildirilib ki, 200-ə yaxın insan ehtiyat tədbiri olaraq həkim nəzarətində saxlanılıb.
Onun peşə fəaliyyəti ilə heç bir əlaqəsi müəyyən edilə bilməz.
Rusiya İnsan Sağlamlığı və İstehlakçı Hüquqlarını Müdafiə Xidməti Şipilovanın mənşəyi məlum olmayan pnevmoniyadan öldüyünü təsdiqləyib. Buna baxmayaraq, institutda yoluxucu mikroorqanizmlərlə işləyərkən heç bir bədbəxt hadisənin baş vermədiyi və son 10 gündə institut əməkdaşlarından heç kəsin yoluxucu xəstəliklərlə bağlı şikayətlə səhiyyə müəssisələrinə müraciət etmədiyi vurğulanıb.
Şipilovadan götürülmüş nümunələr üzərində ətraflı müayinələr aparıldığı, lakin ölümə səbəb olan xəstəliyin işçinin peşə fəaliyyəti ilə bağlı hər hansı mikroorqanizmin aşkar edilmədiyi də bildirilib. İrkutsk vilayətində ictimai səhiyyənin vəziyyətinin “stabil” olduğu bildirilib.
ABŞ: Biz Rusiya hakimiyyətini ictimaiyyətlə dəqiq məlumat paylaşmağa çağırırıq
İctimaiyyətdə əksini tapan iddialar ABŞ administrasiyasını da hərəkətə keçirməyə sövq edib. ABŞ mətbuatına danışan ABŞ Dövlət Departamentinin rəsmisi, “Rusiyanın İrkutsk bölgəsində ölümlə nəticələnən ağciyər vəbası şübhəsi ilə bağlı xəbərdən xəbərdarıq. Xəstəliklərə Nəzarət və Qarşısının Alınması Mərkəzi (CDC) və digər qurumlarla əməkdaşlıq çərçivəsində vəziyyəti yaxından izləyirik” dedi.
Bir çox detalın hələ tam dəqiqləşmədiyinə işarə edən səlahiyyətli, “Rusiya səlahiyyətlilərini doğru məlumatı ictimaiyyətlə tez və açıq şəkildə paylaşmağa çağırırıq. Taun məlum bir xəstəlikdir və xüsusilə müalicəyə erkən başlandıqda adi antibiotiklərlə müalicə edilə bilər. Dünyanın bir çox yerində hadisələr təbii şəkildə baş verir” dedi.
Ölümlə nəticələnə bilər
Taun “Yersinia pestis” bakteriyasının törətdiyi yoluxucu xəstəlik kimi tanınır. Vəbanın ən ölümcül və ən az rast gəlinən forması olaraq seçilən və ağır pnevmoniyaya səbəb olan “ağciyər taunu” müalicə olunmazsa bir neçə gün ərzində ölümlə nəticələnə bilər. Ümumdünya Səhiyyə Təşkilatının (ÜST) məlumatlarına görə; İnsanlar xəstəliyə birə dişləmələri, təmas və ya inhalyasiya yolu ilə yoluxa bilərlər.
