Cənubi Avropaya təsirini davam etdirən və temperaturun 44 dərəcəni keçdiyi isti dalğası İtaliya, İspaniya və Fransa başda olmaqla bir çox ölkədə meşə yanğınlarına səbəb olub. Yanğınlar səbəbindən 20 mindən çox insan təxliyə edilib.
Avropa.info xəbər verir ki, İtaliyanın Siciliya adasında küləyin təsiri ilə böyüyən yanğınlar Aqrigento bölgəsindəki Bivona ətrafına təsir edərkən, paytaxt Palermoda elektrik enerjisi kəsilib.
Fransanın cənub-qərbində Bordo yaxınlığındakı Lege Cap-Ferret kurortunda baş verən yanğına 700-ə yaxın yanğınsöndürən müdaxilə edib. Səlahiyyətlilər, təhlükəsizlik səbəbiylə bölgədə 20 mindən çox insanın təxliyə edildiyini bildirdi. Bordo hava limanı yaxınlığında yanğınsöndürmə işləri zamanı iki yanğınsöndürən həlak olub.
İngiltərənin Uels bölgəsində quraqlıq və yüksək temperatur səbəbiylə rəsmi olaraq quraqlıq vəziyyəti elan edilib. Mütəxəssislər vurğulayırlar ki, iqlim dəyişikliyinin təsiri ilə artan temperatur Avropa boyu torpaq və çaylarda rütubəti xeyli azaldıb.
Yunanıstanda havanın temperaturu 42 dərəcəni keçdiyi üçün paytaxt Afina da daxil olmaqla cənub və mərkəzi bölgələrdə meşə yanğını təhlükəsinə qarşı ən yüksək xəbərdarlıq həddi keçib. Cənubi Kipr Rum Administrasiyası da havanın temperaturunun 43 dərəcəyə çatacağı gözləntiləri ilə xəbərdarlıq edib.
İspaniya və İtaliyada nəqliyyat və həyata mənfi təsir etdi
İspaniyada günlərdir davam edən yanğınları nəzarət altına almaq cəhdləri davam edir. Dəmir yolu infrastrukturunun operatoru Adif, Madrid yaxınlığındakı dəmir yolu xəttinə yaxınlaşan yanğın səbəbindən qatarların hərəkətinin dayandırıldığını açıqladı. Kəskinlik Madrid və Barselona arasında sürətli qatar xəttində də fasilələrə səbəb olub.
İspaniya Meteorologiya Agentliyi bəzi ərazilərdə temperaturun 44 dərəcəyə çatması ilə əlaqədar “fövqəladə təhlükə” barədə xəbərdarlıq edib. Bildirilib ki, bu il ölkə üzrə yanan ərazilərin həcmi 100 min hektarı ötüb.
İtaliyada 59 yaşlı yanğınsöndürən Siciliyanın San-Kataldo şəhəri yaxınlığında yanğına müdaxilə edərkən xəstələnərək dünyasını dəyişib. 100-dən çox insan ada boyu evlərindən və sağlamlıq mərkəzlərindən təxliyə edilib. Tüstü və yüksək temperatur səbəbindən bəzi rayonlarda ehtiyat tədbiri olaraq yaşayış məntəqələri və yollar bağlanıb.
Siciliyadakı yanğınların Afrikadan gələn güclü sirokko küləkləri ilə genişləndiyi, fiflərin, zeytun bağlarının və infrastruktur sistemlərinin zədələndiyi bildirilib.
