HƏMAS ABŞ-ı İsrailin Qəzza zolağına hücumlarını dayandırmaq və humanitar yardım axınını təmin etmək öhdəliyini yerinə yetirməyə çağırıb.
Avropa.info xəbər verir ki, HƏMAS-ın bəyanatında deyilir ki, ABŞ-İsrail ikili vətəndaşı və əsir götürülmüş əsgər İdan Aleksandr ABŞ prezidenti Donald Trampın Yaxın Şərqə səfəri ərəfəsində bu öhdəlik qarşılığında azad edilib .
ABŞ tərəfi ilə razılığın əldə olunduğu və vasitəçilərin də məlumatlandırıldığı bildirilən bəyanatda Qəzza zolağına təcili humanitar yardımın çatdırılması və daimi atəşkəs tələb olunub.
HƏMAS regionda təhlükəsizlik və sabitliyin təmin edilməsi üçün bütün məsələlər üzrə hərtərəfli danışıqların aparılacağını gözlədiklərini və bu məqsədə nail olmaq istədiklərini bildirib.
Bu addımların atılmamasının atəşkəs və əsir mübadiləsi ilə bağlı danışıqlara mənfi təsir göstərəcəyi bildirilib.
HƏMAS iki ABŞ-İsrail vətəndaşını əsir azad etdi
HƏMAS ABŞ-la birbaşa danışıqlar çərçivəsində mayın 12-də Qəzzada əsir götürülən ABŞ-İsrail ikili vətəndaşı İdan Aleksandrı azad edib.
İsrail Qətərin paytaxtı Dohaya nümayəndə heyəti göndərib və Qəzzada atəşkəs razılaşmasının yenilənməsi üçün danışıqlar ABŞ prezidenti Donald Trampın Yaxın Şərq üzrə xüsusi nümayəndəsi Stiv Vitkoffun iştirakı ilə başlayıb.
Bildirilib ki, davam edən danışıqlarda İsrail tərəfi Vitkoffun 10 israilli məhbusun azad edilməsi müqabilində müvəqqəti atəşkəs təklif edən ilk təklifindən başqa heç bir təkliflə danışıqlara getmək istəmir, HƏMAS isə Qəzzaya humanitar yardımın daxil olmasını və daimi atəşkəs tələb edir.
