Ermənistan Azərbaycanla yeni revanş müharibəyə gedəcək?
Kimdir təhrikçi?
Ermənistanın Azərbaycanala yeni revanş müharibəsinin ehtimalı daimi aktuallığını saxlayır.
Bunu Avropa.info-ya taninmiş hüquqşünas Vüqar Dadaşov deyib. Onun sözlərinə görə
Ermənistanın ABŞ, Fransa, Yunanıstan, Hindistan, İran, hətta Rusiya və sair dövlətlər tərəfindən güzəştli şərtlərlə silahlandırılması, Avropa İttifaqının Ermənistandakı yarım-hərbi misiyasının informasiya, kəşfiyyat məlumatları əldə etmə cəhdləri, nəhayət aprel 1 – 13 iyun tarixləri arasında ölkədə ehtiyatda olan hərbçilərini təlimə cəlb etməsi Ermənistanın yazda yeni revanş müharibəyə gedəcəyi ehtimalını artırır.
Ancaq, Ermənistanın siyasi və hərbi rəhbərliyi Ermənistan dövlətçiliyi üçün bunun ciddi risk olduğunun fərqindədir və Ermənistan 1918-cil sərhədlərində qayıdacağı ehtimalı tam real görünür. Ermənistan ABŞ – la, Co Bayden administrasiyası ilə bağladığı strateji müttəfiqlik sazişinə də Tramp dönəmində arxalana bilməz. Avropa isə Rusiya – Ukrayna müharibəsi ilə bağlı ABŞ – ın davranışlarından sonra, özü – özünün təhlükəsizliyini təmin edəcəyi belə sual altındadır.
Parisdə 30-dan çox ölkənin baş qərargah rəhbərlərinin toplanması Makronun yeni hərbi koalisiya yaratmaq istəyi Avropanın və digərlərinin ABŞ-sız nə qədər çətin vəziyyətdə olduğunu göstərir. Ancaq, ABŞ heç bir halda Avropanın müstəqil güc və hərbi mərkəzə çevrilməsinə imkan verən deyil. Amma Avropa, xüsusəndə Almaniya, Fransa baş verənlərdən nəticə çıxarıb.
Digər tərəfdən isə, Azərbaycana qardaş və müttəfiq Türkiyənin Avropanın təhlükəsizliyinin təminində iştirakı fonunda Avropanın Ermənistana Azərbaycana qarşı açıq hərbi dəstəyi mümkün görünmür.
Ermənistanın Azərbaycana qarşı yeni revanş müharibəsinə necə və kimlər tərəfindən təhrik edildiyi haqqında bir neçə gün əvvəl qeyd etmişdim:
“Ermənistanda Rusiya səfiri Sergey Kopırkinin Paşinyan hakimiyyətinə qarşı müxalif liderlərlə ardıcıl görüşləri, sərt bəyanatları və hətta “Minsk qrupu” dirçəlməsinə yönələn açıqlamaları Rusiyanın təkcə Ermənistanda deyil, paralel olaraq Azərbaycanla bağlı planları ilə əlaqəlidir. Heç şübhəsiz, Ermənistanın Rusiyadan qaçmaq cəhdi Qərbin şirinləşdirici təklif və təhrikinə bağlı idi. ABŞ-ın geri çəkilməsi ilə Avropa İttifaqının Ermənistandakı fəaliyyəti də hind məsəli kimi, “ölü at üstündə hərəkətə bənzəyir”. Avropa ABŞ – sız özünün belə təhlükəsizliyini təmin edə bilmir, nəinki Ermənistana təhlükəsizlik zəmanəti versin.
Qaldı ki, Ermənistan Azərbaycan münasibətlərinə, dəfələrlə qeyd etdiyim kimi, Azərbaycanla Ermənistan arasında Ermənistana sovet dövründə verilən Azərbaycan torpaqlarını leqitimləşdirən sülh müqaviləsi mümkün deyil. Ermənistan zəif Avropa təhriki ilə revanş müharibəyə getməz, ancaq Paşinyan iqtidarı dövründə olmasa da, Ermənistan Rusiyanın dəstəyi ilə Azərbaycanla revanş müharibəsunə gedəcəyi mümkündür.”
