Sumqayıt Gənc Müəllimlər birliyinin və Sumqayıt MKS uşaq bölməsinin birgə təşkilatçılığı ilə Milli Məclisin deputatı Ceyhun Məmmədovun “Gənclərə tövsiyələr” kitabı üzərindən panel- müzakirə keçirilib.
Avropa.info xəbər verir ki, öncə Azərbaycanın ərazi bütövlüyü uğrunda canlarından keçmiş Şəhidlərin xatirəsi bir dəqiqəlik sükutla yad edilib. Azərbaycan Himni səsləndirildikdən sonra uşaq bölməsinin hazırladığı millət vəkilinin fəaliyyətini əks etdirən “Yol və zirvə” adlı videoçarx nümayiş etdirilib.
Moderator, yazıçı- dramaturq, kulturoloq Hafiz Ataxanlı Azərbaycanın dövlətçilik tarixinə ekskurs edib, yeni dünya nizamında önəmli yer tutan Azərbaycanın siyasi- beynəlxalq nüfuzunu,iqtisadi inkişafını vurğulayıb və bu uğurlarda hər bir gəncin uğur hekayəsinin ümümi işə töhfəsindən danışıb.
“Gənclərə tövsiyələr” kitabının müəllifi,millət vəkili,kreativ layihələri ilə seçilən millət vəkili kitabın yazılma ideyasından söz açıb. Dövlətin gənclər siyasətinin istedadlı gənclərə yol açdığını xatırladıb.
Azərbaycan Yazıçılar Birliyi Sumqayıt bölməsinin sədri Gülnarə Cəmaləddin, Əli Kərim adına Poeziya evinin direktoru İbrahim İlyaslı, “Zərdabi” nəşriyyat- poliqrafiya müəssisəsinin direktoru, Zərdabi nəslinin nümayəndəsi Aydın Məlikov, REHA təhsil-təlim mərkəzinin rəhbəri İlhamə Axundova, şəhər 5 nömrəli məktəbin direktor müavini Arzu Əliyeva, şair Hikmət Fərzəli, şair- publisist İlhamə Məhəmmıdqızı, şair Gülnar Ümid, tələbə İlahə Bağıyeva və başqaları çıxış ediblər. Çıxışlarda və millət vəkilinə ünvanlanan suallarda vacib məsələlərə işıq salınıb.
Lütfizadə məntiq olimpiadasının qalibi Kənan Nəcəflinin səmimi çıxışı da maraqla qarşılanıb.
Sumqayıt Gənc Müəllimlər birliyinin rəhbəri Rəna Nəcəfli, Sumqayıt MKS uşaq bölməsinin rəhbəri Yeganə Hüseynova millət vəkilinə və qonaqlara təşəkkürlərini bildiriblər.
Tədbirdə Azəzrbaycan Milli Konservatoriyası nəzdində Sumqayıt Musiqi Kollecinin Simli kvarteti Könül Bəbirovanın rəhbərliyi ilə musiqi nömrələri ifa ediblər.
Sonda millət vəkili Ceyhun Məmmədov bir daha gənclərə öz tövsiyələrini verdi, qaldırılan məsələlərin həllinə yardımçı olacağına söz verib.
Avropa.info
