Ədliyyə naziri Yılmaz Tunc “The Economist”in açıqlamalarına “Hər kəs bilməlidir ki, qaranlıq qüvvələrin hazırladığı bu çirkin ssenarilərə heç vaxt boyun əyməyəcəyik” deyib.
Avropa.info xəbər verir ki, Ədliyyə naziri Yılmaz Tunç “The Economist” jurnalındakı məqalə ilə bağlı paylaşım edib.
Tunç “The Economist”in prezident Rəcəb Tayyib Ərdoğanı hədəf almasının qəbuledilməz olduğunu vurğulayıb və bu açıqlamaları verib:
“The Economist-in davam edən araşdırmalarla bağlı yalan və böhtanlarla ölkəmizi və prezidentimiz Rəcəb Tayyib Ərdoğanı hədəf alması tamamilə qəbuledilməzdir. Türkiyə məhkəmə sistemi müstəqil və qərəzsiz olaraq qanunun aliliyi çərçivəsində öz vəzifəsini davam etdirir. Lakin Türkiyəyə qarşı obyektiv yanaşma nümayiş etdirməkdən uzaq olan bu jurnal ölkəmizə qarşı açıq kampaniya aparır.
Türkiyənin regionda güclənən rolu, təhlükəsizlik siyasətindəki uğurları və iqtisadi artımı bəzilərini narahat edir. “Bu cür manipulyasiya cəhdləri ölkəmizi hədəf alan qlobal konspirasiyaların yeni versiyalarından başqa bir şey deyil”.
“Biz daha da güclənəcəyik və böyüyəcəyik”
Prezident Ərdoğanın liderliyində dünyada söz sahibi olan ölkələr arasında olmağa davam edəcəklərini bildirən nazir Tunç bu mesajı paylaşıb:
“Unutmaq lazım deyil ki, kimlərinsə yönləndirdiyi və əməliyyatlar keçirməyə cəhd edən köhnə Türkiyə artıq arxada qalıb. Hər kəs bilməlidir ki, qaranlıq qüvvələrin hazırladığı bu çirkin ssenarilərə heç vaxt boyun əyməyəcəyik.
Biz bundan sonra da “The Economist” və bu kimi dairələrin dezinformasiya kampaniyalarına qarşı dik durmağa , Prezidentimizin rəhbərliyi və millətimizin dəstəyi ilə dünyada söz sahibi olmağa və daha da güclənməyə davam edəcəyik”.
Avropa.info
