Kiyevdə Ukrayna Təhlükəsizlik Xidmətinin polkovniki İvan Voroniçin qətlində Azərbaycan vətəndaşlarının əli olduğu iddia olunur.
Avropa.info-nun məlumatına görə bu barədə Ukraynanın “Senzor” nəşrinin baş redaktoru Yuri Butusov sosial şəbəkədə məlumat yayıb.
Həmin şəxsin Xaqani Güləlizadə olduğu və Ukraynaya qeyri-qanuni yolla gəldiyi bildirilir. Belə ki, bu ilin fevralında həmin şəxs Ukrayna sərhədini keçməyə cəhd edib, lakin onun ölkəyə girişi 2030-cu ilə qədər qadağan edilib. Onun tərəfdaşı isə may ayında Moldovadan Ukraynaya gələn Nərmin Quliyeva olub.
Xatırladaq ki, Voroniç ötən həftə Kiyevdə güllələnib
Daha sonra Ukrayna Təhlükəsizlik Xidməti Voroniçin qatilləri olduğu iddia edilən şəxslərin zərərsizləşdirildiyini açıqlayıb. Ukrayna xüsusi xidmət orqanları hər iki şübhəlini Rusiya Federal Təhlükəsizlik Xidmətinin (FTX) göstərişi ilə işləyən agentləri hesab edir. Lakin hələlik bununla bağlı hər hansı sübutlar təqdim edilməyib.
