Qəzza zolağındakı israilli məhbusların qohumları İsrailin baş naziri Binyamin Netanyahuya məktub yazaraq, hərtərəfli məhbus mübadiləsi razılaşması tələb ediblər.
Avropa.info xəbər verir ki, israilli məhbus ailələrinin platforması Netanyahunun 2023-cü il oktyabrın 7-dən bəri ilk dəfə İsrailin Qəzza zolağının sərhədindəki Nir Oz qəsəbəsinə səfərindən sonra məhbusların 35 qohumunun imzaladığı məktubu dərc edib.
Netanyahunun Vaşinqtona səfəri öncəsi məhbusların yaxınlarının “təcili müraciət” adı altında yazdığı məktubun İsrailin danışıqlar qrupunun rəhbəri, strateji işlər naziri Ron Dermerə də göndərildiyi bildirilib.
Məktubda hərtərəfli və tam razılıq tələb edilərək, “Bundan az olan hər şey böyük uğursuzluq və nəsillər boyu davam edəcək ağrı olardı. Qismən razılaşmalar və qəddar seçkilər dövrü bitdi” deyilir.
Əsirlərin yaxınları İrana “uğurlu” hücumlardan sonra fürsət yarandığını və bunun ələ keçirilməli olduğunu bildirərək, “Baş nazir son oğurlanmış şəxsin geri qaytarılmasını və münaqişənin sona çatmasını təmin edəcək hərtərəfli bir razılaşma əldə etməlidir” çağırışı edib.
İsrailin Baş naziri Netanyahu 7 oktyabr 2023-cü ildən bəri ilk dəfə İsrailin Qəzza zolağı sərhədindəki Nir Oz qəsəbəsini ziyarət edib və baş nazirin oradakı məhbusların yaxınlarına “Qəzzada atəşkəs və məhbus mübadiləsi razılaşmasını qəbul etdiklərini və yaxın zamanda bunu açıqlayacaqlarına inandıqlarını” dediyi iddia edilib.
Tramp İsrailin Qəzzada müvəqqəti atəşkəs şərtlərini qəbul etdiyini açıqladı
ABŞ prezidenti Donald Tramp İsrailin Qəzza zolağında 60 günlük atəşkəs şərtlərini qəbul etdiyini açıqlayıb.
ABŞ nümayəndələrinin İsrail rəsmiləri ilə “uzun və məhsuldar” görüş keçirdiklərini ifadə edən Tramp, “İsrail 60 günlük atəşkəsin bağlanması üçün lazım olan şərtləri qəbul etdi. Bu müddət ərzində bütün tərəflərlə birlikdə müharibəni bitirmək üçün çalışacağıq” dedi.
Tramp qeyd edib ki , atəşkəs danışıqlarında vasitəçilik edən Qətər və Misir Həmas-a “son təklif” verəcək.
Həmas İsraillə atəşkəs üçün vasitəçilərin təklifini dəyərləndirdiyini, Fələstin mənbələri isə HƏMAS-ın atəşkəs təklifini qəbul etməyə meylli olduğunu bildirmişdi.
