Çində sənaye və texnoloji təhlükəsizliyi təhlükə altına alan vətəndaşlara səyahət qadağası qoyan tənzimləmə qüvvəyə minib.
Avropa.info xəbər verir ki, Çin Dövlət Şurasının iyul ayında açıqladığı 19 maddədən ibarət tənzimləmə texnologiya sahəsində ölkənin ixrac və idxal qadağalarını pozan insanların ölkəyə giriş və çıxışı ilə bağlı tədbirlərin həyata keçirilməsini nəzərdə tutur.
Bu gündən etibarən qüvvəyə minən tənzimləmə ilə Çinin kritik texnologiyaların, xüsusilə də süni zəkanın transferi ilə bağlı məhdudiyyətlərini pozaraq sənaye və texnoloji təhlükəsizliyi təhlükə altına alan şəxslərin ehtiyat tədbiri olaraq xaricə səyahətləri qadağan edilə bilər.
Bundan başqa, xaricdə cinayət törətmiş vətəndaşların qayıtdıqdan sonra 6 aydan 3 ilə qədər ölkədən çıxışına məhdudiyyət qoyula bilər.
Nə mənası var?
Dövlət Şurasının bəyanatında qeyd olunub ki, qaydalar milli suverenlik, təhlükəsizlik və inkişaf maraqlarını qorumaq məqsədi daşıyır.
Qeyd edək ki, tənzimləmə Çinin texnologiya, xüsusilə də süni intellekt sahəsində ABŞ ilə gərgin rəqabətə girdiyi bir vaxtda qüvvəyə minib.
Pekin administrasiyası əvvəllər Çinin süni intellekt tətbiqi Manus-un ABŞ-ın texnologiya şirkəti Meta-ya satışını aprelin 27-də dayandırıb və şirkətin təsisçiləri, Çin vətəndaşları Xiao Hong, Ci Yichao və Cang Tao-ya beynəlxalq səyahət qadağası qoyub.
Bu arada, tənzimləmə qüvvəyə mindiyi gün beynəlxalq sosial media platformalarında Çin texnologiya şirkəti Huwei-nin qurucusu Rın Cıngfey və ailəsinin gizli şəkildə Çini tərk etdiyinə dair təsdiqlənməmiş iddialar yayılıb.
