Yunan polisi təqaüdünü almağa davam etmək üçün atasının cəsədini illərlə otelin zirzəmisində dondurucuda gizlətdiyi təsbit edilən şübhəlini saxlayıb.
Avropa.info xəbər verir ki, Polisdən verilən açıqlamada 90 yaşlı təqaüdçü müəllimin təbii səbəblərdən öldüyü və hadisədə qətl şübhəsinin olmadığı bildirilib.
Evindən pnevmatik tapança götürüləndən sonra 55 yaşlı oğluna qarşı “dələduzluq”, “çalışdıran ifadə” və “odlu silahlar haqqında qanunu pozma” maddələri ilə cinayət işi başlanıb.
Bildirilib ki, Peloponnes yarımadasının Sparta şəhəri yaxınlığında yerləşən Mistras kəndinin sakinləri uzun müddətdir xəbər almadıqları qoca haqqında səlahiyyətlilərə məlumat veriblər.
Xəbərdarlıq üzərinə hərəkətə keçən qruplar ailəyə aid istifadəsiz bir otelin zirzəmisində, dondurucuda qocanın cəsədini tapıb.
Saxlanılan şübhəlinin atasının təxminən iki il yarım əvvəl öldüyünü və meyiti dondurucuya qoyduğunu etiraf etdiyi qeyd edilib. Məhəllə sakinləri təqaüdçü müəllimi ən azı dörd ildir görmədiklərini bildirdilər.
Atasının ölümünün dəqiq səbəbi ekspertizadan sonra bəlli olacaq.
