Türkiyəli aktrisa Melisa Sözen 2016-ci ildə çəkildiyi filmə görə ifadəyə çağırılıb.
“Qafqazinfo” bu barədə “Habertürk”ə istinadən xəbər verir.
Bildirilib ki, buna səbəb onun Fransa istehsalı “Le Bureau des Legends” serialının üçüncü sezonunda terror təşkilatı PKK/YPG-nin formasını geyinməsi olub.
Məlumata görə, Sezen haqqında məsələ ilə bağlı araşdırma başlayıb və o “terror təşkilatının təbliğatı” ittihamı ilə ifadə verib.
“Geyindiyim paltarın belə bir təşkilatı simvolizə etdiyini bilmirdim. Həmin filmdə agent rolunu oynayırdım. Serial Türkiyədə yayımlanmayıb, mən ölkəmi, millətimi sevən biriyəm”, – deyə Melisa ifadəsində deyib.
Qeyd edək ki, aktrisa sözügedən layihədə Suriyada İŞİD-ə qarşı döyüşən ikili agent rolunu oynayıb.
