Türkiyə millisinin sabiq baş məşqçisi Fatih Terim yığmanın DÇ-2026-dakı uğursuz çıxışından sonra azarkeşlərə müraciət edib.
Avropa.info xəbər verir ki, təcrübəli mütəxəssis komandanın sərt və dağıdıcı şəkildə tənqid edilməməsini istəyib:
“Xahiş edirəm, tənqid ediriksə, düzgün şəkildə edək. Böyük komandalar və böyük ölkələr kimi davranaq. Onlar da məğlub olurlar, amma çox tez ayağa qalxmağı bacarırlar. Əsas fərq də məhz budur.
Bu oyun əlbəttə ki, tənqid olunacaq və təhlil ediləcək. Yeganə xahişim odur ki, sərt və dağıdıcı olmayın. Bizi bura gətirən də onlardır və sabah yenə onlardan çox şey gözləyəcəyik.
Bunu Fransadakı Avropa çempionatı zamanı qızının bətnindəki uşağa belə pislik arzulanan bir insan kimi deyirəm. Xahiş edirəm, belə etməyin. Əgər səhvlərimiz barədə sevgi və konstruktiv şəkildə danışmağı bacaran ölkə olsaydıq, daha tez ayağa qalxardıq.
Biz onlarla birlikdə dünya və Avropa çempionatlarına getmişik, növbəti dəfə də gedəcəyik. Sevgi ilə qalın”.
Qeyd edək ki, Türkiyə millisi dünya çempionatında keçirdiyi hər iki oyunda məğlub olub və pley-offa yüksəlmək şansını itirib.
