Milli Qürur – Qələbə Bayramı adlı tədbir keçirilib
5 noyabr 2025-ci il tarixində Respublika Uşaq Kitabxanasında 8 Noyabr – Zəfər Günü münasibətilə “Milli Qürur – Qələbə Bayramı” adlı tədbir keçirilmişdir. Tədbirdə 1 nömrəli Uşaq-Gənclər İnkişaf Mərkəzinin şagirdləri iştirak ediblər.
Avropa.info xəbər verir ki, Tədbir Azərbaycan Respublikasının Dövlət Himninin səsləndirilməsi ilə başlanmış, daha sonra Vətən uğrunda canlarını fəda etmiş şəhidlərin əziz xatirəsi bir dəqiqəlik sükutla yad edilmişdir.
Kitabxananın əməkdaşı çıxışında məktəblilərə Zəfər Gününün tarixi əhəmiyyəti, Azərbaycan Ordusunun qəhrəmanlıq yolu və xalqımızın birliyi nəticəsində qazanılmış möhtəşəm Qələbə haqqında geniş məlumat vermişdir. Eyni zamanda, Konstitusiya və uşaq hüquqları mövzusunda da ətraflı danışılıb.
Daha sonra şagirdlər Zəfər Gününə həsr olunmuş şeirlər səsləndirərək Vətənə, azadlığa və qəhrəman əsgərlərimizə olan sevgilərini ifadə etmişlər.
Tədbir çərçivəsində iştirakçılara Zəfər Gününə həsr olunmuş video-slayd təqdim edilib.
Tədbirin sonunda uşaqlar üçün yaradıcılıq məşğələsi təşkil olunmuşdur. Onlar Azərbaycan Ordusunun igid əsgərlərini və Vətən rəmzlərini əks etdirən müxtəlif rəsmləri rəngləmiş, öz duyğularını rənglər vasitəsilə ifadə etmişlər.
Respublika Uşaq Kitabxanasında təşkil olunan bu tədbir gənc nəslin milli-mənəvi dəyərlərə hörmət, vətənpərvərlik və azərbaycançılıq ruhunda tərbiyə olunmasına, eləcə də onların yaradıcılıq qabiliyyətlərinin inkişafına mühüm töhfə vermişdir.
