“BMT-nin İnsan Haqları Şurasının yaratdığı xüsusi komissiya İsrailin Qəzza zolağındakı hərəkətlərinə dair 72 səhifəlik hesabat dərc edib. Hesabatda İsrailin son 2 il ərzində Qəzzə zolağında “dörd soyqırım aktı törətdiyi” və soyqırım törətməkdə məsuliyyət daşıdığı qeyd olunur. Hesabat öz-özlüyündə soyqırım cinayətinin hüquqi təsdiqi sayılmasa da İsrail üçün həm siyasi, həm də hüquqi baxımdan çox ciddi nəticələr doğura bilər”.
Avropa.info xəbər verir ki, bunu Avrasiya.net-ə açıqlamasında siyasi şərhçi Qulamhüseyn Əlibəyli deyib. O əlavə edib ki, hər şeydən əvvəl, bu hesabat BMT-nin müvafiq strukturlarında soyqırım cinayətinin rəsmi təsdiqi üçün əsas ola bilər.
“Soyqırım cinayəti haqqında Konvensiyaya uyğun olaraq Konvensiyanın üzvü olan digər dövlətlər BMT-nin müvafiq qurumlarına, o cümlədən Təhlükəsizlik Şurasına müraciət edərək soyqırımın qarşısının alınması və bu cinayəti törətməkdə təqsirli sayılan şəxslərin cəzalandırılması məsələsinin həllini tələb edə bilər. Həmçinin Beynəlxalq Ədalət Məhkəməsində İsrailə qarşı iddia qaldırıla bilər. İsrailin torətdiyi soyqırım cinayətlərinin araşdırılması və İsrail rəsmilərinin mühakimə edilib cəzalandırılması üçün xüsusi Beynəlxalq Tribunalın yaradılması məsələsi də gündəmə gətirilə bilər”,- siyasi şəhçi vurğulayıb.
O əlavə edib ki, daha sonra bu hesabat Beynəlxalq Cinayət Məhkəməsində İsrail rəsmilərinin mühakiməsində sübuti əhəmiyyətə malik ola blər:
“Xatırladaq ki, BCM İsrail baş nazirini və müdafiə nazirini soyqırım cinayətində ittiham edərək onların həbsinə beynəlxalq order verib. Hesabat həmçinin ayrı-ayrı ölkələrin İsrailə qarşı diplomatik təzyiqinin gücləndirilməsinə və sanksiyaların tətbiqinə, son nəticədə İsrailin təcrid olunmasına səbəb ola bilər.
İsrail rəsmiləri isə hesabatı qeyri-dəqiq adlandıraraq təkzib ediblər. Bu təkzib də siyasi riyakarlığın və həyasızlığın növbəti nümunəsidir. Qəzzada, 50 mindən çox dinc sakinin yalnız etnik mənsubiyyətinə görə qətlə yetirilməsi, Qəzzanın blokadada saxlanılması, oraya humanitar yardımı burxmaması, qocaların, qadınların və uşaqların acından öldürülməsi faktları hamıya məlümdür və BMT rəsmiləri bu barədə dəfələrlə bildiriblər. İndi isə bu faktlar BMT-nin İnsan Haqları Şurası kimi nüfuzlu bir qurumun yaratdığı xüsusi komissiya tərəfindən təsdiq olunur.
Düzdür, İsrail beynəlxalq hüququ saymadığını dəfələrlə nümayiş etdirib, hətta BMT Baş katibinin İsrailə gəlməsinə qadağan qoyub. Lakin bu komissiyanın hesabatı beynəlxalq hüquq mexanizmlərinin gec-tez işə düşmək ehtimalını artır. Heç kəsə sirr deyil ki, İsrail yəhudi lobbisinin daha mütəşəkkil və güclü olduğu ABŞ-a və bir sıra digər dövlətlərə arxayındır. Və həmin dövlətlər komissiyanın hesabatının sonrakı inkişafını bloklaya bilərlər. Lakin bütün hallarda, komissiyanın hesabatı İsrail və onun rəsmiləri üçün yaxşı heç nə vəd etmir”.
