Keniyanın paytaxtı Nayrobidə 4 nəfərin olduğu şəxsi təyyarənin yaşayış məntəqəsinə çırpılması nəticəsində 2 nəfər ölüb, 2 nəfər yaralanıb.
Avropa.info Milli KİV-ə istinadən xəbər verir ki, Afrika Tibb və Araşdırma Fonduna məxsus təyyarə paytaxt Nayrobidən təxminən 20 kilometr şimal-şərqdə yaşayış massivindəki binaya çırpılıb.
Kiambu Regional Polis Komandiri Maurice Odanqa qəzada iki nəfərin öldüyünü, iki yaralının isə xəstəxanaya aparıldığını açıqlayıb.
Odanqa hadisə ilə bağlı istintaq başladıldığını bildirib.
Sosial şəbəkələrdə yayılan görüntülərdə qəza yerindən qalın qara tüstü qalxdığı və ərazidəki yüzlərlə insanın alov, dağıntı və toz arasında ilk yardım qrupları ilə birlikdə xilasetmə işlərinə qoşulduğu əks olunub.
Təyyarənin missiyası, qəzada ölənlərin kimliyi və ya qəzanın səbəbləri ilə bağlı hələlik rəsmi açıqlama verilməyib.
Hadisə yerinə təcili yardım qrupları və mülki aviasiya orqanları göndərilib.
