Avropa.info xəbər verir ki, ABŞ  Maliyyə Nazirliyindən verilən açıqlamada İranın müdafiə sənayesi üçün həssas texnika təmin edən təşkilatların hədəf alındığı bildirilib.

Açıqlamada, İranın müdafiə sənayesi üçün həssas texnikaların tədarükü və daşınmasını təmin etdikləri əsas gətirilərək sanksiya siyahısına 1 nəfər və səkkiz şirkətin əlavə edildiyi qeyd edilib.

Bundan əlavə  , bəyanatda bildirilir ki, Honq-Konqda  yerləşən Unico Shipping şirkətinə məxsus gəmiyə qarşı sanksiyalar tətbiq edilib və sanksiyalar İranın raket və digər silah imkanlarını inkişaf etdirməsinin qarşısını almaq və  İran  İnqilabı Keşikçiləri Korpusunun və proksi elementlərinin resurslara çıxışını kəsmək məqsədi daşıyır.

ABŞ Maliyyə Naziri Scott Bessent verdiyi açıqlamada, “Birləşmiş Ştatlar İranın, rejimin ballistik raket, pilotsuz təyyarə və asimmetrik silah proqramlarını dəstəkləyən həssas, ikili istifadə texnologiyası, komponentləri və mexanizmləri əldə etmək üçün istənilən və bütün səylərinə mane olmaqda qərarlıdır” dedi.

Bu planları dəstəkləyənlərin məsuliyyətə cəlb ediləcəyini vurğulayan Bessent, İranın regional sabitliyi və qlobal təhlükəsizliyi təhdid edən bu ölümcül silahları istehsal və yayma imkanlarını azaltmağa davam edəcəklərini qeyd edib.