İsrail ordusunun Qurban bayramının ikinci günü Qəzza zolağındakı evini hədəf alması nəticəsində mülki müdafiə işçisi həyatını itirib.
Avropa.info xəbər verir ki, Qəzza Mülki Müdafiə Müdirliyindən verilən açıqlamada, İsrail ordusunun Qəzza şəhərinin şərqindəki Tuffah bölgəsində mülki müdafiə zabiti Valid Adel əl-Bataşı hədəf aldığı bildirilib.
Qəzzanın mülki müdafiə zabiti Bataşın İsrailin hücumu nəticəsində həyatını itirdiyi bildirilib.
2023-cü il oktyabrın 7-dən etibarən İsrail ordusunun Qəzzada həyata keçirdiyi hücumlarda həyatını itirən mülki müdafiə personalının sayının 116-ya yüksəldiyi bildirilib.
Xəstəxanalar, məktəblər və məcburi köçkün fələstinlilərin evləri də daxil olmaqla mülki infrastruktur obyektlərini hədəfə alan İsrail ordusunun hücumları nəticəsində yüz minlərlə bina dağıdılıb.
Səhiyyə və mülki müdafiə rəsmiləri dağıntılar altında qalanların xilas edilməsi və cəsədlərin çıxarılması üçün məhdud imkanlarla işləri davam etdirir.
