İsrail ordusunun  səhər saatlarından etibarən Qəzzaya təşkil etdiyi hücumlarda 18 fələstinli həlak olub

Avropa.info xəbər verir ki, 7 oktyabr 2023-cü il tarixindən etibarən İsrail ordusu Qəzzada mülki əhalini və mülki yaşayış məntəqələrini, habelə xəstəxanalar, məktəblər, şorbaxanalar və yardım paylama mərkəzləri kimi humanitar infrastrukturu hədəfə alır.

Səhiyyə mənbələrindən alınan məlumata görə, İsrail ordusunun Qəzza  zolağının şimalındakı Cibəliyyə ən-Nazla bölgəsində fələstinli “Nəsr” ailəsinə məxsus evi bombalaması nəticəsində azı 7 nəfər ölüb, çoxlu sayda yaralı var  .

İsrail ordusu Cibaliyada fələstinlilərin toplandığı 2 bölgəyə hücum edib, 5 nəfər ölüb, çox sayda insan yaralanıb.

İsrail ordusu həmçinin Qəzza zolağının cənubundakı Xan Yunisin Əl-Məvasi bölgəsində məcburi köçkün fələstinlilərin məskunlaşdığı iki çadırı vurub. Hücum nəticəsində 3 fələstinli həyatını itirib.

İsrail ordusunun Xan Yunusun Abasan əl-Kəbirə bölgəsində mülki avtomobili bombalaması nəticəsində iki nəfər ölüb, bir neçə nəfər yaralanıb.

İsrail ordusu yardım almağa çalışan mülki şəxslərə atəş açıb

Qəzza zolağının cənubundakı Rəfah şəhərində İsrail ordusunun yardım almağa çalışan mülki şəxslərə atəş açması nəticəsində bir nəfər həlak olub.

İsrail ordusu Qəzza zolağının şimalında Qəzza şəhərinin Tuffah məhəlləsində və Xan Yunisin şimalındakı Karara bölgəsində bir neçə mülki binanı partladıb.

Qəzza zolağının şimalı ilə cənubunu ayıran Netzarim dəhlizi yaxınlığında qurulan yardım məntəqəsində İsrail ordusunun açdığı atəş nəticəsində çoxlu fələstinlinin yaralandığı da bildirilib.