ABŞ İranın nüvə tədqiqatları ilə əlaqəli şəxslərə və təşkilatlara qarşı yeni sanksiyalar tətbiq etmək qərarına gəlib.
Avropa.info xəbər verir ki, ABŞ Dövlət Departamenti İranın nüvə tədqiqatları ilə əlaqəli şəxslərə və təşkilatlara qarşı tətbiq edilməsi planlaşdırılan yeni sanksiyaları açıqlayıb.
Açıqlamada İranın Müdafiə Araşdırmaları və İnnovasiyaları Təşkilatının (SPND) nəzdində fəaliyyət göstərən bəzi şəxslər və təşkilatların sanksiya siyahısına salındığı bildirilib.
SPND-yə bağlı “Şəhid Kərimi Qrupu”nun rəhbəri Məhəmməd Rza Siddiqi Sabirin “nüvə partlayıcı qurğuların yaradılmasına yönəlmiş tədqiqat və sınaqları ehtiva edən layihələrə bağlı olduğu ” bildirilən bəyanatda nüvə alimi Əhməd Hakikat Telebin də elmi təcrübəsindən İranın nüvə tədqiqatları çərçivəsində istifadə etdiyi vurğulanıb.
Açıqlamada SPND-nin yüksək səviyyəli rəsmisi Teleb-in nüvə tədqiqatları üzərində işləyən iranlı tədqiqatçılarla da koordinasiya apardığı bildirilib.
Eyni qurumla uzun müddətdir əlaqələri olan başqa bir ad olan Məhəmməd Rza Mehdipurun “Şəhid Çamran Qrupu”nun rəhbəri olduğu və nüvə və partlayıcı maddələrin tədqiqatını dəstəklədiyi bildirilir.
Bildirilib ki, sanksiya siyahısına daxil edilən təşkilatlar arasında SPND-ə bağlı “Fuya Pars Prospective Technologists” (İdeal Vakuum) şirkəti də var.
Açıqlamada qeyd olunub ki, şirkət nüvə silahı araşdırma və inkişafında istifadə oluna biləcək avadanlıqları xarici təchizatçılardan almaq və yerli istehsal etmək üçün səy göstərir.
Sözügedən şəxslər və təşkilatların “kütləvi qırğın silahlarının yayılmasına maddi töhfə verən və ya riski yaradan fəaliyyət və ya əməliyyatlarla məşğul olmaq və ya bu cür əməliyyatlara cəhd etmək” əsası ilə sanksiya siyahısına əlavə edildiyi açıqlanıb.
Bəyanatda bu addımın İranın nüvə silahı hazırlamaq səylərini məhdudlaşdırmaq məqsədi daşıdığı qeyd edilib.
