Qəzza zolağında soyqırım törədən İsrailin həyata keçirdiyi hücumlarda ən azı 11 fələstinli həyatını itirib, çoxlu sayda insan isə yaralanıb.
Avropa.info xəbər verir ki, Fələstinin rəsmi agentliyi WAFA-nın məlumatına görə, İsrailin pilotsuz uçuş aparatı (PUA) Xan Yunisin qərbindəki Katatva Qaçqınlar Düşərgəsindəki şorbaxananı hədəf alıb.
Hücum nəticəsində 3 fələstinli həlak olub, çoxlu sayda insan yaralanıb. Eyni şəkildə Xan Yunus şəhər mərkəzindəki bir evə pilotsuz təyyarənin hücumu nəticəsində bir nəfər ölüb, həyat yoldaşı və uşağı isə yaralanıb .
Qəzza şəhərinin Zeytun məhəlləsində Sikke küçəsində artilleriya hücumu nəticəsində bir qadın həyatını itirib .
İsrail ordusunun Qəzza şəhərinin mərkəzi, Rəfah şəhəri və müxtəlif məntəqələrə təşkil etdiyi hava hücumlarında 5 fələstinli həyatını itirib.
İsrail ordusu da intensiv artilleriya atəşi ilə Rəfah şəhər mərkəzi, şimaldakı Ariba rayonu və ətraf əraziləri hədəfə alıb.
Xəstəxana mənbələri daha əvvəl Rəfahın şimal-şərqindəki Nəsr qəsəbəsinə edilən hücumda yaralanan Bahəddin Raid Muharib adlı gəncin də öldüyünü açıqlayıb.
Qəzzanın şərqindəki Şucayyə məhəlləsində bir ev də İsrail döyüş təyyarələri tərəfindən bombalanıb . Hücumda ölən və yaralananların olduğu açıqlanıb, lakin təfərrüat verilməyib.
Yanvarın 19-da Qəzza zolağında qüvvəyə minən atəşkəsdən sonra İsrail ordusu martın 18-i səhər şiddətli hücumlarını bərpa edib.
