İsrail ordusunun bu gün səhər saatlarından etibarən Qəzza zolağının müxtəlif bölgələrinə təşkil etdiyi hücumlarda ən azı 26 fələstinli ölüb, çoxlu sayda yaralı var.
Avropa.info-nun məlumatına görə İsrail ordusu Qəzza zolağının cənubunda Xan Yunisin şərqində bir qrup fələstinlini hədəfə alıb .
Hücumda 2 uşaq həyatını itirib, çox sayda insan yaralanıb.
İsrailin Qəzzanın qərbində motosikleti hədəf alması nəticəsində bir fələstinli həlak olub. Hadisə zamanı xəsarət alanlar da olub.
Qəzzanın şərqindəki Şucayyə məhəlləsinə edilən hücumda fələstinli ana və uşağı həlak olub, çoxlu sayda insan yaralanıb .
İsrail döyüş təyyarələrinin Xan Yunisin cənub-şərqindəki Əl-Menara məhəlləsində bir evi bombalaması nəticəsində 19 fələstinli həlak olub, çoxlu sayda insan yaralanıb .
İsrailin Qəzza zolağının cənubundakı Rəfah şəhərinin şimalına endirdiyi hava zərbəsi nəticəsində iki nəfər həlak olub.
