Avropa.info xəbər verir ki, Fələstinin rəsmi xəbər agentliyi WAFA-nın məlumatına görə,  İsrail  ordusu İordan çayının qərb sahilinin cənubundakı Hebron şəhərinin cənubunda yerləşən Dura qəsəbəsinə çoxlu sayda hərbi maşınla basqın edib.

Basqın zamanı İsrail əsgərləri fələstinlilərə atəş açıb,  gözyaşardıcı  qaz atıb, iki gənci isə saxlayıb.

Fəallar həmçinin İsrail əsgərlərinin qəsəbənin ortasında təsadüfi atəş açdığını və iki gəncin saxlanıldığını əks etdirən görüntülər yayıblar.

İsrail ordusunun Hebronun şimalındakı Beyt Əmr qəsəbəsinə basqını zamanı fələstinlilərlə İsrail ordusu arasında toqquşma baş verib.

Onlar 23 yaşlı gənci döyərək saxlayıblar

Hadisələr zamanı İsrail əsgərlərinin canlı və  rezin güllələrlə atəş açması, səs və gözyaşardıcı qaz bombalarından istifadə etməsi  nəticəsində çox sayda insan gözyaşardıcı qazdan təsirlənib .

Reyd zamanı İsrail qüvvələri 23 yaşlı İbrahim Əhməd Sami Sabarinanı şiddətli döydükdən sonra saxlayıb.

İsrail ordusunun İordan çayının qərb sahilinin cənubunda Beytlehemin cənubunda yerləşən əl-Xıdır qəsəbəsinə basqını zamanı canlı və plastik güllələr, səs və gözyaşardıcı qazdan istifadə nəticəsində çox sayda insan gözyaşardıcı qazdan təsirlənib.

Ordu Beytlehemin cənub çöllərində kəndlərin girişlərində qurduğu dəmir baryerləri də bağlayıb.

İordan çayının qərb sahilinin şimalında İsrail ordusu Tulkerimin şərqindəki Zinaba ətrafına basqın edərək iki gənci saxlayıb.