Cənubi Koreyada hərbi vəziyyət elan edildikdən sonra prezident postundan uzaqlaşdırılan Yoon Suk Yeol azadlığa buraxılıb.
Avropa.info Yonhap-a istinadən xəbər verir ki, Seul Mərkəzi Dairə Məhkəməsi Yoonun saxlanması ilə bağlı şikayətini qəbul edib.
Məhkəmənin qərarından sonra Yoon azadlığa buraxılıb.
Yoon 3 dekabr 2024-cü ildə elan edilən hərbi vəziyyətlə bağlı ittihamnamənin qanunsuz olduğunu əsas gətirərək həbs qərarına etiraz etmişdi.
Yoon həbs edilib
Cənubi Koreya Milli Assambleyasının hərbi vəziyyət elan edilməsinin konstitusiyaya zidd olduğu səbəbilə vəzifəsindən uzaqlaşdırılmasını tələb etməsindən sonra vəzifəsindən uzaqlaşdırılan Yoon, hərbi vəziyyətlə bağlı aparılan istintaq çərçivəsində yanvarın 15-də saxlanılıb.
İlk gün 10 saatdan çox dindirilən Yoonun ifadə verməkdən imtina etdiyi bildirilib. Cənubi Koreya tarixində saxlanılan ilk dövlət başçısı Yoon dindirildikdən sonra təcridxanaya köçürülüb.
Yoon yanvarın 19-da Seul Qərb Dairə Məhkəməsi tərəfindən “iğtişaşa rəhbərlik etmək” və “vəzifə səlahiyyətlərindən sui-istifadə” ittihamı ilə həbs edilib.
