Avstraliyada 16 yaşlı oğlan Sidneydəki məscidi hədəf alan hədələyici mesajları internetdə yerləşdirdiyinə görə həbs edilib.
ABC News-un məlumatına görə, oğlan Sidneydə yeni açılan Avstraliya İslam Evi və Məscidi ilə bağlı onlayn tənqid yazıb .
Yazıda oğlan 2019-cu il martın 15-də Yeni Zelandiyada məscidlərə edilən terror aktına istinad edərək, ikincisinin də yolda olduğunu qeyd edib.
Uşaq öz paylaşımından sonra internetdə zorakılıq xarakterli təhdidlər etmək ittihamı ilə nəzarətə götürülüb.
Yeni Zelandiyada İslam əleyhinə terror aktı
Yeni Zelandiyanın Dunedin şəhərində ev kirayələyən və oradakı atış poliqonlarında hədəf təlimində iştirak etdiyi ortaya çıxan avstraliyalı terrorçu Tarrant Kraystçörç şəhərindəki iki məsciddə namaz qılan müsəlmanlara avtomat silahlarla hücum edib.
Hücumda qadın və uşaqların da olduğu 51 nəfər həyatını itirib, 2-si Türkiyə vətəndaşı olmaqla 49 nəfər yaralanıb.
Hücumu sosial media hesabında canlı yayımlayan və “ağların üstünlüyünü” müdafiə edən ifrat sağçı terrorçu hücumdan dərhal sonra polis tərəfindən yaxalanıb .
Tarrant 2020-ci ildə Christchurch Ali Məhkəməsində 51 qətl, 40 adam öldürməyə cəhd və bir terror cinayətində təqsirli bilinərək şərti azad edilmədən ömürlük həbs cəzasına məhkum edilib.
