Cənubi Amerika ölkəsi Peruda ticarət mərkəzinin damının uçması nəticəsində ilkin məlumatlara görə 8 nəfər ölüb, 80 nəfər yaralanıb.
Avropa.info xəbər verir ki, Perunun Daxili İşlər Nazirliyi ölkənin üçüncü böyük şəhəri olan Trujilloda ticarət mərkəzinin damının çökdüyünü açıqlayıb.
Açıqlamada, “Hadisə nəticəsində 3-ü uşaq olmaqla 8 nəfər həyatını itirib, 80 nəfər yaralanıb. Başda yanğın bölməsi olmaqla bütün axtarış-xilasetmə qrupları, qapalı qalan bütün insanları xilas etmək üçün səfərbər edilib. Bu faciəvi hadisənin səbəblərini müəyyən etmək üçün araşdırma başlatdıq”.
Təcili Əməliyyatlar Mərkəzindən (COER) verilən açıqlamada, damın bir hissəsinin hələ də yerində olduğu, lakin çökmə riskinin davam etdiyi açıqlandı.
Uşaq əyləncə parkı və kinoteatrların da yerləşdiyi restoranın damının uçması nəticəsində ölənlərin sayının artacağı ilə bağlı qorxular var .
[Foto: Reuters]
“Dedim ki, saatlı bomba kimidir”
Şəhərin keçmiş meri Arturo Fernandez mətbuata açıqlamasında Perunun ikinci ən böyük ticarət mərkəzinin struktur çatışmazlıqlarına görə 29 dekabr 2023-cü ildə bağlanması əmrini verdiyini söylədi.
“Mən həmişə insanlara Mall Plaza və ya Real Plazaya getməmələrini deyirdim, çünki təhlükəsizlik şəraiti zəif idi və düşünürəm ki, zaman məni haqlı çıxardı. Bu ticarət mərkəzinin riskli olduğunu və saatlı bomba olduğunu söylədim”, – Fernandez deyib.
Yerli medianın məlumatına görə, bağlanan ticarət mərkəzi bir həftə sonra, 4 yanvar 2024-cü ildə açılıb. Səlahiyyətlilər, strukturun lazımi təhlükəsizlik şərtlərinə cavab verdiyini bildirərək, bağlanma qərarının lazımsız olduğu qənaətinə gəliblər.
Respublika Prokurorluğundan verilən açıqlamada qəzanın səbəblərinin müəyyən edilməsi və məsul şəxslərin məsuliyyətə cəlb edilməsi üçün araşdırmalara başlanıldığı açıqlanıb.
[Foto: Reuters]
Prezident Boluarte: “İstintaq tamamilə aparılmalıdır”
Peru prezidenti Dina Boluarte ticarət mərkəzinin çökməsinə səbəb olanların ən ağır şəkildə cəzalandırılması lazım olduğunu vurğulayıb.
Boluarte, “İstintaq tamamilə aparılmalı və məsullar ən ağır şəkildə cəzalandırılmalıdır. Həyatını itirənlərin ailələrinə başsağlığı verirəm” dedi.
Şirkətdən açıqlama
Ticarət mərkəzini işlədən şirkət açıqlamasında bildirib ki, bina son texniki baxışdan keçib və həyatını itirənlərin ailələrinə və xəsarət alanlara dəstək diqqət mərkəzində olub.
Real Plaza-nın əməliyyat meneceri Garlet Rodriguez yerli mediaya bildirib ki, ticarət mərkəzi 2023-cü ilin sentyabrında yoxlamadan keçib və heç bir struktur problemi aşkar edilməyib.
“Biz səlahiyyətlilərlə tam əməkdaşlıq edirik və istintaq üçün bütün sənədləri təqdim edirik. Biz bütün lazımi məlumatları tam şəffaflıqla paylaşacağıq”, – Rodriges deyib.
