Washington Post (WP) qəzeti ABŞ prezidenti Donald Trampın komandasının İsrail rəsmilərinə “Qəzzada müharibə davam edərsə, Vaşinqton Təl-Əvivi tərk edəcək” xəbərdarlığını çatdırdığını yazıb.
Avropa.info xəbər verir ki, məsələ ilə bağlı məlumatlı mənbənin sözlərinə görə, İsrailin baş naziri Benyamin Netanyahu mayın 18-də Qəzzadan “aclıqdan qorunmaq üçün vacib miqdarda qidanın” keçirilməsinə icazə verilməsinin “texniki məsələ” olduğunu bildirərək, kabinetini bu ideyaya inandırıb.
Adı açıqlanmayan mənbənin “Trampın komandası İsrailə “Bu müharibəni bitirməsən, səni tərk edəcəyik” mesajı verir” ifadəsini işlədib.
Tramp və Netanyahu arasında iddia edilən problemlər
ABŞ-ın İranla nüvə danışıqlarına başlaması , milli təhlükəsizlik müşaviri Mayk Valsın vəzifədən çıxarılması və Yəməndə husilərlə əldə olunan atəşkəs “Tramp və Netanyahu arasında problem olduğunu göstərən” kimi şərh edilib.
İsrail mətbuatında ABŞ prezidenti Trampın İsrailin baş naziri Netanyahu ilə əlaqəni kəsməyə qərar verdiyi iddia edilib.
Daha sonra HƏMAS ilə ABŞ arasında aparılan birbaşa danışıqlar nəticəsində ABŞ-İsrail ikili vətəndaşı əsir düşən əsgər İdan Aleksandr azad edilib və razılaşma əldə edildikdən sonra bu barədə İsrailə məlumat verildiyi qeyd edilib.
ABŞ prezidenti Donald Tramp mayın 13-16-da Səudiyyə Ərəbistanı, Qətər və BƏƏ- yə səfərini əhatə edən Yaxın Şərq turuna İsraili daxil etməyib .
Tramp Ər-Riyadda İsrailin şiddətli müqavimətinə baxmayaraq, prezident Rəcəb Tayyib Ərdoğan və Səudiyyə Ərəbistanı vəliəhdi Məhəmməd bin Salmanın tələbi ilə Suriyaya qarşı sanksiyaları ləğv edəcəyini açıqlayıb və ABŞ-a qayıdan təyyarədə verdiyi açıqlamada “israillilərdən məsələ ilə bağlı fikirlərini istəmədiyini” bildirib.
Bütün bu hadisələrdən sonra ABŞ prezidentinin Yaxın Şərq səfərinə İsraili də qatmaması “Vaşinqton administrasiyasının İsraili regional diplomatik təşəbbüslərdən kənarda qoyması” kimi şərh edilib.
