Fransanın cənub-qərbindəki Jironde bölgəsində günlərdir davam edən meşə yanğınları temperaturun yenidən artması ilə yeni yerlərdə alovlanıb. Xilasetmə qrupları alovu nəzarət altına almaq üçün işlərini davam etdirir. Bölgədə temperaturun 40 dərəcəyə çatacağı gözlənilir.
Mübarizə çərçivəsində Gironde bölgəsində 2 min yanğınsöndürən işləyir. Daha əvvəl yanğından təsirlənən 14 fərqli nöqtədə alov yenidən yüksəldiyi üçün bölgədəki təhlükə davam edir.
Avropa.info-nun məlumatina görə Bölgədə hava istiliyinin 40 dərəcəyə çatması gözlənildiyi halda, İspaniyada da oxşar temperaturların təsirli olacağı gözlənilir.
Minlərlə insan təxliyə edilib
Son bir həftədə yanğınlar səbəbindən 70 mindən çox insan təxliyə edilib. Təxliyə edilənlərin əksəriyyəti öz evlərinə qayıtmağa başlasa da, onlarla yaşayış məntəqəsi hələ də təhlükə altındadır. Son vaxtlar Fransada təxliyə edilənlərin sayı 220 mini keçib.
İspaniya və qonşu Portuqaliyada yanğınlarla mübarizə davam edir. Portuqaliyanın Quarda bölgəsində 400 yanğınsöndürən üç fərqli qolda yayılan yanğını söndürməyə çalışır.
Bordoda havanın keyfiyyəti aşağı düşüb
Alov Bordo şəhər mərkəzinə 15 kilometr yaxınlaşsa da, şəhər birbaşa təhlükə altında deyil. Bununla belə, yanğının Bordo və ətraf metropol ərazisinə mənfi təsirləri davam edir.
Şəhərdə havanın keyfiyyəti əhəmiyyətli dərəcədə azalsa da, bir çox restoran və müəssisələr tüstü və kül səbəbindən qapılarını bağlamalı olub.
Lacanau yaxınlığındakı düşərgə sahələri tamamilə boşaldılarkən, bölgədə təxminən 240 evin yanğınlar nəticəsində zərər gördüyü və ya tamamilə dağıldığı qeyd edildi.
Digər tərəfdən Var bölgəsində yanğını törətməkdə şübhəli bilinərək saxlanılan şəxsi 15 ilə qədər həbs cəzası gözlədiyi bildirilib. İyulun 6-dan bu yana rayonda baş verən yanğınlarla bağlı 184 nəfər saxlanılıb.
