Belçikada dizelin satış qiyməti bir litr üçün 2501 avroya yüksələrək bütün zamanların ən yüksək həddinə çatıb.
Avropa.info xəbər verir ki, Belçika İqtisadiyyat Nazirliyi sentyabrın 22-dən ölkədə müxtəlif yanacaq növlərinə tətbiq olunacaq yeni tavan qiymətlərini açıqlayıb.
Buna görə dizelin (B7) litr qiyməti bu gündən etibarən 3,3 sent artaraq 2501 avroya yüksəlib. Beləliklə, dizelin qiyməti aprelin 9-da qeydə alınan əvvəlki rekordu üstələyib – 2489 avro.
Tərkibində 10 faizə qədər biodizel olan B10 dizelinin maksimal litr qiyməti də 3,4 sent artaraq 2493 avroya çatıb.
İstilik məqsədləri üçün istifadə olunan dizel yanacağının litrinin qiyməti 2 min litrdən aşağı olan sifarişlər üçün 1,6217 avroya, bu məbləğdən yuxarı olanlar üçün isə 1,5812 avroya çatıb.
Belçikada yanacaq qiymətlərinə tətbiq edilən tavan qiymət çərçivəsində İqtisadiyyat Nazirliyi hər gün yanacağa tətbiq oluna biləcək maksimum qiymətləri ictimaiyyətlə paylaşır. Yanacaqdoldurma məntəqələri müəyyən edilmiş qiymətləri aşa bilməz.
Hörmüz və Babulməndeb boğazlarında nəqliyyat problemləri və Səudiyyə Ərəbistanının nefti Qırmızı dənizə çatdırmaq üçün istifadə etdiyi Şərq-Qərb Boru Kəmərinin zədələnməsi Brent markalı neftin barel qiymətini son günlər 100 dolları keçib.
Yaxın Şərqdən dizel ixracı mart-avqust dövründə keçən ilin eyni dövrü ilə müqayisədə yarıbayarı azalaraq gündəlik orta hesabla 800 min barrelə düşüb.
Avropada dizel fyuçerslərinin qiymətləri də ilin əvvəlindən iki dəfədən çox artıb.
