Hicri təqviminin Rəcəb ayının 27-ci günü müsəlmanlar üçün müqəddəs bir hadisəni xatırladır. Məhz bu tarixdə İslam Peyğəmbəri Məhəmməd (s.ə.s) Allah tərəfindən peyğəmbərliyə seçildi və insanları haqq yola çağırmağa başladı. “Məbəs” adlanan bu gün təkcə bir dini bayram deyil, eyni zamanda mənəvi bir oyanışın və Allahın insanlığa böyük mərhəmətinin simvolu kimi qəbul edilir.
Dünyanın bir çox müsəlman ölkələrində xüsusi ibadətlər, xeyirxah əməllər və dini məclislərlə qeyd olunan bu bayramın mahiyyətində insanlara doğru yol göstərmək və əxlaqi dəyərləri təbliğ etmək dayanır.
Ən popluyar məhsulların kolleskiyalarını sənin üçün yaratdıq
Avropa.info müqəddəs günlə bağlı bir sıra məlumatları sizə təqdim edir:
“Məbəs” ərəb dilində “göndərilmə” və ya “peyğəmbərlik vəzifəsinə seçilmə” mənasını verir. Bu, Allahın Peyğəmbər Məhəmmədə vəhyi ilk dəfə göndərdiyi və onu peyğəmbər olaraq vəzifələndirdiyi günə işarə edir. Vəhy ilk dəfə Hira mağarasında Cəbrayıl (ə.s) vasitəsilə “Oxu!” əmri ilə başlayıb. Bu bayram İslam dininin başlanğıc nöqtəsini simvolizə edir, çünki bu gün Peyğəmbər Məhəmməd (s.ə.s) insanları Allaha iman gətirməyə, əxlaqi dəyərlərə riayət etməyə və haqq yola çağırmağa başladı. Məbəs, eyni zamanda, Quranın nazil olmasının başlanğıcı kimi də qeyd olunur.
Məbəs bayramı bir çox müsəlman ölkələrində xüsusi dualar, zikrlər, Quran oxumaq və xeyirxah əməllərlə qeyd olunur. Bu gün dini məclislər təşkil olunur, İslamın təbliği və əxlaqı haqqında söhbətlər aparılır. Ailələr arasında mehribanlıq və yardımlaşma ruhu təşviq olunur.
Məbəs bayramı Hicri təqvimə əsaslandığı üçün Qriqorian təqvimində hər il fərqli bir tarixə təsadüf edir. Buna görə də, dəqiq tarixi bilmək üçün Hicri təqvimi yoxlamaq lazımdır
