Bazar günü Şimali Kipr Türk Respublikasının (KKTC) Girne şəhəri sahillərində kruiz gəmisinin batması nəticəsində itən 20 nəfərin axtarışları davam edir. Axtarış işlərində Türkiyə Hərbi Dəniz Qüvvələrinə məxsus TCG İşın xilasetmə və ehtiyat gəmisi iştirak edib.
Girne sahillərində 1 təyyarə, 5 pilotsuz uçuş aparatı (PUA), 7 helikopter, 8 gəmi və 9 qayıqla axtarış tədbirləri davam etdirilir.
Avropa.info xəbər verir ki, tədbirlərdə Türkiyədən SAT komandoları və Türkiyə Hərbi Dəniz Qüvvələrinin dalğıc qrupları da iştirak edir.
Yerli və milli imkanlarla inşa edilən və bir kilometr dərinliyə qədər axtarış-xilasetmə işlərini yerinə yetirən TCG İşın gəmisi, Girnə sahillərində gəminin çevrilərək batdığı bölgədə də axtarış fəaliyyətlərinə rəhbərlik edir.
TCG Işın 514 metr dərinliyə batmış gəminin qalıqlarına təzyiqə davamlı kostyumlardakı personalı ilə robot sualtı qayıq göndərəcəyi öyrənilib.
Bildirilir ki, Türkiyə Hərbi Dəniz Qüvvələrinin xilasedici və ehtiyat gəmisi TCG İşın bölgəyə gəlişi ilə itkin düşən sərnişinlərin tapılması və gəminin qara qutusuna çatmaq ümidləri artıb.
KKTC-nin Girne Limanı ilə Mersinin Taşucu Limanı arasında fəaliyyət göstərən “Fleet Jet” adlı yüksək sürətli sərnişin gəmisi bazar günü günorta saatlarında Girnedən yola düşdükdən qısa müddət sonra ön hissəsindən su almağa başlayıb.
Gəmi Girne limanına qayıtmaq istəyərkən batıb.
Gəmidən 241 nəfər sağ-salamat xilas edilərkən, 8 nəfərin cəsədi tapılıb, itkin düşən 20 nəfərin axtarışları davam edir.
Bildirilir ki, gəminin qalıqları dənizin 514 metr dərinliyində tapılıb.
