ABŞ çərşənbə günü Birləşmiş Millətlər Təşkilatının Fələstin üzrə xüsusi məruzəçisi Françeska Albaneseyə qarşı sanksiyalar tətbiq edib.
Avropa.info xəbər verir ki, sanksiyalar Albanesenin iyunun 30-da dərc etdiyi sərt hesabatda ABŞ-ın Google, Amazon və Microsoft kimi böyük texnologiya şirkətləri də daxil olmaqla 60-dan çox şirkətin adını çəkərməsindən sonra tətbiq edilib. BMT məruzəçisi bu şirkətlərin “İsrailin işğal iqtisadiyyatını soyqırım iqtisadiyyatına çevirməsində” rol oynadığını bildirir.
Hesabatda Beynəlxalq Cinayət Məhkəməsi və milli məhkəmə sistemlərinin adları qeyd olunan şirkətləri araşdırması tələb olunurdu.
Hesabatdan dərhal sonra, ABŞ dövlət katibi Marko Rubio açıqlama yayıb: “Bu gün mən BMT-nin İnsan Hüquqları Şurasının xüsusi məruzəçisi Francesca Albaneseyə ABŞ və İsrail rəsmilərinə, şirkətlərinə və rəhbərlərinə qarşı qeyri-qanuni və biabırçı hesabatına görə sanksiyalar tətbiq edirəm”.
Sanksiyalar Albanesenin ABŞ-dakı bütün aktivlərini donduracaq və ehtimal ki, onun Birləşmiş Ştatlara səyahət imkanlarını məhdudlaşdıracaq.
Albanese İtaliya vətəndaşıdır. Əgər sanksiyalar tam həyata keçirilsə, onun Avropa İttifaqı daxilində maliyyə əməliyyatlarına da qadağa qoyula bilər. Çünki ABŞ sanksiya tətbiq etdiyi şəxslə əməliyyatlar aparan banklar və ya maliyyə institutlarına ikinci dərəcəli sanksiyalar tətbiq edə bilər. İran və ya Şimali Koreyadan fərqli olaraq, Aİ ABŞ iqtisadiyyatı ilə sıx bağlıdır.
Albaneseye isə İsrailin Qəzzaya qarşı müharibəsindən qazanc əldə etdiyini bildirərək, ABŞ və Avropa şirkətlərini kəskin tənqid edib.
“Soyqırımdan varlanan sadə israillilər deyil, soyqırımdan varlananlar şirkətlər və oliqarxiyadır”,- deyə məruzəçi bildirib.
Hesabat yalnız ABŞ-da şirkətləri yer almır, həmçinin Cənubi Koreyanın Hyundai, İsveçin Volvo Group, Fransanın BNP Paribas və Böyük Britaniyanın Barclays şirkətləri də bura daxil edilib.
Sanksiyaların elanı İsrailin baş naziri Benyamin Netanyahunun bu həftə Vaşinqtona edəcəyi səfəri ilə eyni vaxta düşür.
Albaneseye İsrailin Qəzzaya qarşı müharibəsini tənqid edən və bunu fələstinlilərə qarşı soyqırım kimi xarakterizə edən BMT-nin ən tanınmış rəsmilərindən biridir. O, həmçinin ABŞ prezidenti Donald Trampın Yaxın Şərq siyasətini, xüsusən də Qəzza zolağının ələ keçirilməsi və fələstinliləri zorla köçürmək planını tənqid edib.
Bu ayın əvvəlində ABŞ Albaneseyenin BMT məruzəçiliyindən çıxarılmasını tələb etmişdi.
Avropa.info
