F.Köçərli adına Respublika Uşaq Kitabxanasında Elmi və Humanizmi birləşdirən fenomen Zərifə Əliyeva” adlı bibliografik yaddaş virtual oxuculara təqdim edilib
Avropa.info xəbər verir ki, F.Köçərli adına Respublika Uşaq Kitabxanasının Məlumat-biblioqrafiya şöbəsi tərəfindən “Elmi və Humanizmi birləşdirən fenomen Zərifə Əliyeva” adlı yeni bibliografik yaddaş virtual oxuculara təqdim edilib. Akademik Zərifə xanım Əliyeva – Azərbaycanın görkəmli oftalmoloqu, tibb elmləri doktoru, professor və akademikdir. O, oftalmologiya sahəsindəki fundamental tədqiqatları ilə Azərbaycanı dünya miqyasında tanıtmış və bu sahədə unikal elmi məktəb yaratmışdır. 23 səhifədən ibarət olan virtual yaddaş akademik Zərifə Əliyevanın zəngin həyat və fəaliyyətinə həsr olunub. Yaddaşda Zərifə Əliyeva haqqında ümumi məlumatla yanaşı, görkəmli ictimai və elm xadimlərinin Zərifə Əliyeva haqqında fikirləri, onun həyat və fəaliyyətinə dair yazılmış kitablar və 230 adda dövri mətbuat məqalələrinin biblioqrafik təsviri təqdim olunur.
Biblioqrafik yaddaşla aşağıdakı link vasitəsilə tanış ola bilərsiniz.
https://www.clb.az/biblioqrafik-xidm%C9%99t/melumat-biblioqrafiya/biblioqrafik-yaddas/elmi-v-humanizmi-birl-sdir-n-fenomen-z-rif-liyeva-102
